قامشى ءىلىپ، ءان ايتقان ارۋلار: موڭعوليادا 100 دەگى اجە شاباندوزدار فەستيۆالىنە قاتىستى
استانا. KAZINFORM - موڭعول ۇلتتىق مۇراسىن ناسيحاتتاۋ ماقساتىندا ومنوگوۆ ايماعىنىڭ حانحونگور سومونىندا «موڭعول ايەل شاباندوزدارى» فەستيۆالى ءوتتى، دەپ حابارلايدى مونتسامە.
فەستيۆالگە ايماقتىڭ 15 سومونىنان كەلگەن ايەل شاباندوزدار قاتىستى.
فەستيۆالدى ۇيىمداستىرۋ باستاماسىن ومنوگوۆ ايماعى ازاماتتار وكىلدەرى حۋرالىنىڭ مۇشەسى ب. تۋۆشينبايار كوتەرگەن.
«موڭعول ايەل شاباندوزدارى» فەستيۆالىنىڭ باعدارلاماسىنا بىرنەشە جارىس ءتۇرى ەنگىزىلدى. اتاپ ايتقاندا شاباندوزدار ات ۇستىندە شابا ءجۇرىپ جەردەن قامشىنى ءىلىپ الۋ، قىسقا قاشىقتىققا ات جارىسى، كوماندالىق ەستافەتا جانە قاتىسۋشىلار اراسىندا «ادەمى اتتاعى شاباندوز» مەن «كىم جاقسى ءان ايتادى؟ » اتتى قىزىقتى بايقاۋلار ءوتتى.
فەستيۆالدىڭ ەڭ جاسى ۇلكەن قاتىسۋشىسى - تسوگت- وۆوو سومونىنىڭ تۇرعىنى بولدى. ول - شاباندوز ات ءوسىرۋشى ايەلدەردىڭ العاشقىسى سانالاتىن سەرەنگااجيدىن تسەرەنسودنوم، بيىل ول 100 جاسقا تولدى.