قالاعا كەلگەن بىردە-ءبىر ستۋدەنت باسپاناسىز قالماۋى ءتيىس - پرەمەر- مينيستر
استانا. KAZINFORM - عىلىم مەن تەحنولوگيالاردى كەڭىنەن تانىمال ەتۋ جونىندەگى كەشەندى جوسپار قابىلداۋ كەرەك. بۇل تۋرالى ۇكىمەت وتىرىسىندا پرەمەر- مينيستر ولجاس بەكتەنوۆ ايتتى.
«جوعارى ءبىلىم بەرۋ سالاسىنا توقتالساق، ۇلتتىق جوعارى وقۋ ورىندارىمىز بەن جەتەكشى شەتەلدىك ۋنيۆەرسيتەتتەردىڭ فيليالدارى باعىت بەرىپ وتىرۋعا ءتيىس. عىلىم مينيسترلىگى جۇمىس ناتيجەلەرى بويىنشا فيليالدارعا قويىلاتىن تالاپتاردى ازىرلەگەنى ءجون. ساراپتامالىق كەڭەس قۇرىپ، بارلىق ۋنيۆەرسيتەتتەرگە قويىلاتىن تالاپتاردى ولاردىڭ الەمدىك ستاندارتتارعا سايكەستىگى تۇرعىسىنان قايتا قاراۋ قاجەت. جوعارى وقۋ ورىندارى كاسىپورىندارمەن تىعىز جۇمىس ىستەۋگە ءتيىس. ستۋدەنتتىك، ماگيسترلىك جۇمىستاردىڭ ەل ەكونوميكاسى ءۇشىن ناقتى ناتيجەسى بولۋى كەرەك»، - دەدى ولجاس بەكتەنوۆ.
ۇكىمەت باسشىسى عىلىم جانە وقۋ-اعارتۋ مينيسترلىكتەرىنە عىلىم مەن تەحنولوگيالاردى كەڭىنەن تانىمال ەتۋ جونىندەگى كەشەندى جوسپار قابىلداۋدى تاپسىردى.
«جاتاقحانالارداعى ورىن تاپشىلىعى وزەكتى ماسەلە سانالادى. سىرتتان كەلگەن بىردە-ءبىر ستۋدەنت باسپاناسىز قالماۋعا ءتيىس. ءوڭىر اكىمدەرى، وقۋ-اعارتۋ جانە جوعارى ءبىلىم مينيسترلەرى ايتىلعان ماسەلەلەردى جەكە باقىلاۋعا السىن. بارلىق ءبىلىم بەرۋ وبەكتىلەرى وقۋ جىلىنىڭ باستالۋىنا % 100 دايىن بولۋى ءتيىس»، - دەدى پرەمەر-مينيستر.
اۆتور
رۋسلان عابباسوۆ