قاپشاعاي سۋ قويماسى سوڭعى 10 جىلدا العاش رەت 100 پايىزعا تولدى
الماتى. KAZINFORM - الماتى وبلىسىنداعى قاپشاعاي سۋ قويماسى سوڭعى 10 جىلدا العاش رەت 18 ميلليارد تەكشە مەتردەن ارتىق سۋ جيناپ، %100- عا تولدى. سۋ قويماسى قىتاي اۋماعىنان باستاۋ الاتىن ترانسشەكارالىق ىلە وزەنىنىڭ سۋىن جينايدى.
بيىل كوكتەمدە سەكۋندىنا 900 تەكشە مەترگە دەيىن سۋ كەلگەن.
ماماندار مۇنىن سەبەبىن تيان-شان مۇزدىقتارىنىڭ ەرۋى مەن جاۋىن-شاشىننىڭ كوپ بولۋىمەن بايلانىستىرادى.
«قاپشاعاي سۋ قويماسى سوڭعى رەت 2014 -جىلى 0- عا تولعان بولاتىن. سۋارۋ ماۋسىمى باستالعالى شەڭگەلدى القابىنىڭ 6 مىڭ گەكتار جانە اقدالا القابىنىڭ 28 مىڭ گەكتار جەرىنە سۋ بەرىلۋدە. بۇگىنگى تاڭدا شارۋالاردىڭ سۇرانىسى بويىنشا سەكۋندىنا 750 تەكشە مەتر سۋ جىبەرىلىپ جاتىر»، - دەدى بالقاش-الاكول باسسەيندىك ينسپەكسياسى باسشىسىنىڭ ورىنباسارى مەدەت كەرىمجانوۆ.
قازىر قاپشاعاي سۋ قويماسىندا 16 ميلليارد 200 ميلليون تەكشە مەتر سۋ بار. وبلىستا ۆەگەتاتسيا كەزەڭى قىركۇيەكتىڭ سوڭىنا دەيىن جالعاسادى. ودان كەيىن سۋ تاسقىنى كەزەڭىنە دايىندىق باستالادى.
ايتا كەتۋ كەرەك، سۋ رەسۋرستارى جانە يرريگاتسيا مينيسترلىگى قازاقستان مەن قىتاي اراسىنداعى ترانسشەكارالىق وزەندەردىڭ سۋىن ءبولۋ ماسەلەسى بويىنشا ۇكىمەتارالىق كەلىسىم جوباسىن ازىرلەپ جاتىر. ونىڭ ىشىندە ءۇش ءىرى ترانسشەكارالىق وزەن: ەرتىس، ىلە جانە ەمەل بار. بۇگىندە تاراپتار سۋ ءبولۋ ماسەلەسى بويىنشا كەلىسىمنىڭ ءبىرقاتار باپتارى بويىنشا ورتاق مامىلەگە كەلدى.