قاپشاعاي سۋ قويماسى ەكىنشى جىل قاتارىنان 100 پايىز تولدى

استانا. قازاقپارات - ق ر سۋ رەسۋرستارى جانە يرريگاتسيا مينيسترلىگى قازىرگى تاڭدا الماتى وبلىسىنداعى قاپشاعاي سۋ قويماسىندا شامامەن 18,5 ميلليارد تەكشە مەتر سۋ جينالدى. بىلتىر سۋ قويماسى سوڭعى 10جىلدا العاش رەت 100 پايىزعا تولعان بولاتىن.

 سۋ قويماسىنىڭ تولۋى وبلىستاعى اقدالا جانە شەڭگەلدى سۋارمالى القاپتارىن سۋمەن تولىقتاي قامتۋعا مۇمكىندىك بەرەدى. قاپشاعاي سۋ قويماسى ىلە وزەنىنىڭ سۋ اعىنىن رەتتەپ وتىرادى. جىل باسىنان بەرى سۋ قويماسىنان بالقاش كولىنە 3,8 ميلليارد تەكشە مەتر سۋ جىبەرىلدى. ال بىلتىر وسى كەزەڭدە بۇل كولەم 2,9 ميلليارد تەكشە مەتر بولعان ەدى.

سۋدىڭ مول بەرىلۋىنىڭ ارقاسىندا ءبىر جىلدىڭ ىشىندە بالقاش كولىنىڭ دەڭگەيى 12 سانتيمەترگە كوتەرىلىپ، بالتىق جۇيەسى بويىنشا 341,52 مەتردەن 341,64 مەترگە جەتتى. ال كولدەگى سۋ كولەمى 2 ميلليارد تەكشە مەترگە ۇلعايدى. «سۋ رەسۋرستارى جانە يرريگاتسيا مينيسترلىگى ترانسشەكارالىق وزەندەرگە، سونىڭ ىشىندە ىلە وزەنىنە قاتىستى ماسەلەلەر بويىنشا قىتايلىق ارىپتەستەرىمەن تۇراقتى بايلانىستا. بىرلەسكەن جۇمىستىڭ ارقاسىندا قاتارىنان ەكىنشى جىل بويى الماتى وبلىسىنىڭ ديقاندارى سۋارمالى سۋمەن تولىق قامتاماسىز ەتىلىپ وتىر. سونىمەن قاتار بالقاش كولى باسسەينىندەگى ەكولوگيالىق جاعداي دا جاقسارىپ كەلەدى»، - دەدى بالقاش-الاكول باسسەيندىك ينسپەكسياسىنىڭ باسشىسى سەرىك مەيرامبەكوۆ.

 24.kz