قاشاعاندا مۇناي مەن گاز ءوندىرۋ قايتا باستالدى

استانا. KAZINFORM - قاشاعان كەن ورنىندا مۇناي مەن گاز ءوندىرۋ قايتا باستالدى. بۇل تۋرالى ەنەرگەتيكا مينيسترلىگىنەن ءمالىم ەتتى.

«كەشە قاشاعان كەن ورنىندا كۇردەلى جوندەۋ اياقتالىپ، مۇناي مەن گاز ءوندىرۋ قايتا باستالدى»، - دەپ اتاپ ءوتتى ەنەرگەتيكا مينيسترلىگىنەن.

ۆەدومستۆو وكىلدەرى ءوندىرىستىڭ تولىق قۋاتتا ىسكە قوسىلماعانىن، ال 1-قاراشادان باستاپ تولىق قۋاتقا شىعۋ جوسپارلانىپ وتىرعانىن ناقتىلادى.

NCOC كومپانياسى 7-قازاندا «قاشاعان» كەن ورنىنىڭ تەڭىزدەگى جانە قۇرلىقتاعى نىساندارىندا جوسپارلانعان تەحنيكالىق قىزمەت كورسەتۋ جۇمىستارى باستالعانىن حابارلاعان ەدى.

«قاشاعان» كەن ورنى سوڭعى ونداعان جىل ىشىندە اشىلعان ەڭ ءىرى مۇناي كەن ورىندارىنىڭ ءبىرى بولىپ سانالادى. كەن ورنىنىڭ وندىرىلەتىن قورى 9-13 ميلليارد باررەل مۇناي ارالىعىندا دەپ باعالانىپ وتىر. «قاشاعان» كەن ورنىنان كوممەرتسيالىق مۇناي ءوندىرۋ 2016-جىلدان بەرى جۇرگىزىلىپ كەلەدى.