قادىر مىرزا ءالي نۇرسۇلتان نازاربايەۆتىڭ ۇستازى بولعان با؟

قازاقستاننىڭ حالىق جازۋشىسى قادىر عينايات ۇلى مىرزا ءالي 1935 -جىلى 5-قاڭتاردا ورال وبلىسىنىڭ جىمپيتى كەنتىندە تۋعان. بيىل اقىننىڭ تۋعانىنا 89 جىل تولادى. بۇگىن تانىمال اقىننىڭ ءومىرى مەن شىعارماشىلىعى تۋرالى مالىمەت ۇسىنامىز.

لاتىنشانى مەكتەپكە دەيىن ۇيرەنىپ العان، كەيىننەن ناعاشىسىمەن جاعالاسىپ ءجۇرىپ كيريلليتسا ءالىپبيىن دە جاتتاپ العان.

العاشقىدا ولەڭ جازۋدى ادەتكە اينالدىرىپ جۇرگەن كەزىندە جازعان جيناعىن جاقىن دوسى ورتەپ جىبەرەدى. سول كەزدە قادىر دوسىنىڭ ول ارەكەتىنە رەنجىمەي، كەرىسىنشە، جامان ولەڭدەردەن قۇتىلۋىما كومەكتەستى دەپ دوسىنا العىسىن بىلدىرەدى.

ءولىم اۋزىنان تالاي امان قالعان. ءۇش رەت سۋعا كەتىپ قالا جازداپ، بيىكتەن قۇلاپ، ەكى-ءۇش رەت يت قاپقان.

كەدەيلىكتىڭ تاۋقىمەتىن تارتقاننان مەكتەپ كەزىنەن جۇمىس ىستەپ ۇيرەنگەن. جۇمىستىڭ كەسىرىنەن التىنشى كلاستا ءجۇرىپ وقىماي قالعان، سەگىزىنشى كلاستا ءبىر رەت ساباق جىبەرىپ، وقۋدى قولدان شىعارىپ العان.

1957 -جىلى قاسكەلەڭدە اباي مەكتەبىندە وندىرىستىك تاجىريبەدەن وتكەن. پراكتيكادان ءوتىپ ساباق بەرگەن كەزىندە نۇرسۇلتان ءابىش ۇلى 9-سىنىپتا وقىعان. از ۋاقىت بولسا دا تۇڭعىش پرەزيدەنتكە قازاق ءتىلى مەن ادەبيەتىنەن ساباق بەرىپ، ۇستازدىق ەتكەن.

50 گە جۋىق ولەڭ جيناقتىڭ، ادەبي-سىني، بالالار كىتابىنىڭ اۆتورى. كوپتەگەن ولەڭدەرى ورىس، نەمىس، اعىلشىن، فرانسۋز، فين، قىرعىز، تاتار جانە دە باسقا تىلدەرگە اۋدارىلعان.

بالا كەزىنەن كىتاپتى ءسۇيىپ وقىعان. قاز م ۋ-دە (قازىرگى قاز ۇ ۋ) بەس جىل وقىعاندا جاس بولىپ كوپ قىدىرماعان. وقۋدى ءجون كورىپ، كىتاپحاناعا بارىپ اپتا سايىن 10-15 اۆتوردىڭ كىتابىن الىپ ۇيگە قايتاتىن بولعان.

1960 -جىلداردىڭ اياق كەزىندە الماتىدا ماعزۇم سۇندەتوۆ دەگەن جازۋشىمەن بىرگە قازاقشا ءتورت كلاسس اشتىرعان.

1992 -جىلى رەسپۋبليكا ءانۇرانىنىڭ ءماتىنى مەن انىنە كونكۋرس جاريالانعاندا مۇزافار الىمبايەۆ، قادىر مىرزا ءالي، تۇمانباي مولداعاليەۆ بىرلەسىپ جازعان ءماتىن 750 نۇسقا اراسىندا جەڭىپ شىقتى.

جۇبايىمەن 5-كۋرستا وقىپ جۇرگەندە پەداگوگيكالىق تاجىريبەگە بارعاندا تانىسقان. سالتانات اپامىز بۇل كەزدە 10-سىنىپتا وقىعان.

گەننادي كولبين كوميسسيا قۇرعان كەزدەرى سول كوميسسيانىڭ ءبىر مۇشەسى بولعان.

1993 -جىلى قادىر مىرزا ءالى الەمدىك پوەزياعا قوسقان اسا زور ەڭبەگى ءۇشىن موڭعوليانىڭ حالىقارالىق «اۆياس» سىيلىعىنا يە بولدى.

ماتەريال اۆتورى: بانۋ ابدىعاليەۆا