قاعازبەن ەسەپ جۇرگىزگەندى قويۋ كەرەك - ولجاس بەكتەنوۆ

استانا. KAZINFORM - پرەمەر-مينيستر ولجاس بەكتەنوۆ ۇكىمەت وتىرىسىندا اۋىل شارۋاشىلىعىنداعى دەرەكتەر بازاسى ەسكى تاسىلمەن جۇمىس ىستەيتىنىن سىنادى.

- اۋىل شارۋاشىلىعىنىڭ ءبىرىڭعاي ەسەپكە الۋ جۇيەسىندەگى جانە جانۋارلاردى سايكەستەندىرۋدىڭ اقپاراتتىق جۇيەسىندەگى دەرەكتەر ەسكىرگەن. كەيبىر راسىمدەر ءالى كۇنگە دەيىن قاعاز فورماتتا جۇزەگە اسىرىلادى.

وسىعان بايلانىستى اۋىل شارۋاشىلىعى جانە سيفرلىق دامۋ مينيسترلىكتەرى جىل سوڭىنا دەيىن جانۋارلار مەن مال شارۋاشىلىعى ونىمدەرىنىڭ قوزعالىسىنا قاتىستى بارلىق پروتسەستى 100 پايىز سيفرلاندىرۋ قاجەت، - دەدى ول.

سونداي-اق، ول ۇزدىكسىز قاداعالاپ وتىرۋ جۇيەسىن ەنگىزىپ، دەرەكتەر بازالارىنىڭ ءبارىن ءبىرىڭعاي سيفرلىق پلاتفورماعا ينتەگراتسيالاۋدى تاپسىردى.

ايتا كەتەيىك، وتكەن ايدا اۋىل شارۋاشىلىعى ساناعىنىڭ ۇيلەردى ارالاۋ (ليستينگ) كەزەڭى اياقتالعانىن جازعان ەدىك.

اۆتور

ەسىمجان ناقتىباي