قوسىمشانى ورناتۋ كەزىندە كوپتەگەن ادام سەرۆيستىڭ جۇمىسى ءۇشىن ونىڭ شىنىمەن قاجەت ەكەنىن باعالاماي، سۇرالعان قولجەتىمدىلىككە اۆتوماتتى تۇردە كەلىسەدى. ناتيجەسىندە ونداعان ورناتىلعان باعدارلامالار كامەراعا، ميكروفونعا، كونتاكتىلەرگە، گەولوكاتسياعا، فايلدارعا جانە باسقا دا دەرەكتەرگە قول جەتكىزە الادى.
ارتىق رۇقساتتار دەربەس اقپاراتتىڭ تارالىپ كەتۋ، ونى زاڭسىز پايدالانۋ جانە الاياقتىق شابۋىلدار جاساۋ قاۋپىن ارتتىرادى.
قوسىمشالار قانداي دەرەكتەردى سۇراتا الادى؟
قولدانبالاردىڭ فۋنكتسيونالدىعىنا بايلانىستى مىنالارعا كىرۋگە رۇقسات سۇراي الادى:
گەولوكاتسياعا - قۇرىلعىنىڭ ورنالاسقان جەرىن انىقتاۋ ءۇشىن؛
كامەرا جانە فوتوگالەرەياعا - فوتو جانە بەينە جاساۋ نەمەسە ساقتالعان فايلدارعا قول جەتكىزۋ ءۇشىن؛
ميكروفونعا - اۋديو جازۋ جانە جىبەرۋ ءۇشىن؛
كونتاكتىلەرگە - تەلەفون كىتابىنا قول جەتكىزۋ ءۇشىن؛
فايلدارعا جانە قۇرلىعىنىڭ جادىنا - قۇجاتتارمەن جانە باسقا دا فايلدارمەن جۇمىس ىستەۋ ءۇشىن؛
قوڭىراۋلار مەن SMS- كە - ونىڭ ىشىندە راستاۋ كودتارى بار حابارلاردى وقۋ ءۇشىن؛
حابارلامالارعا - دەربەس اقپاراتتى قامتۋى مۇمكىن حابارلاردى جىبەرۋ ءۇشىن.
ءاربىر رۇقساتتى بەرۋ قاجەتتىلىگى قوسىمشانىڭ فۋنكسيونالىنا سايكەس كەلۋى ءتيىس. مىسالى، كوپتەگەن جاعدايدا كالكۋلياتور نەمەسە فونار كونتاكتىلەرگە، SMS نەمەسە گەولوكاتسياعا قول جەتكىزۋدى تالاپ ەتپەيدى.
قوسىمشالارعا ارتىق رۇقسات بەرۋدىڭ قانداي قاۋپى بار
ەگەر قوسىمشا نەمەسە ونى ازىرلەۋشىنىڭ ينفراقۇرىلىمى كيبەرشابۋىلعا تاپ بولسا، الىنعان دەرەكتەر قولدى بولىپ، قاسكويلەر ولاردى قولدانۋى مۇمكىن.
اتاپ ايتقاندا، اقپارات مىنالار:
- دەربەس فيشينگتىك شابۋىلداردى دايىنداۋ؛
- الەۋمەتتىك ينجەنەريا جانە الاياقتىق؛
- باسقا اككاۋنتتارعا قولجەتىمدىلىك الۋ؛
- پايدالانۋشىنىڭ ناقتىلانعان سيفرلىق بەيىنىن قۇرۋ؛
- دەربەس دەرەكتەردى زاڭعا قايشى تاراتۋ نەمەسە كوممەرتسيالىق پايدالانۋ ءۇشىن قولدانىلۋى مۇمكىن.
ەرەكشە نازار ولاردىڭ نەگىزگى فۋنكتسيالارىمەن بايلانىستى ەمەس رۇقساتتى سۇرايتىن قوسىمشالارعا اۋدارىلۋى ءتيىس.
ەڭ الدىمەن قانداي رۇقساتتاردى شەكتەۋ قاجەت؟
گەولوكاتسيا. ورنالاسقان جەرىن تۇراقتى تۇردە انىقتاۋدى قاجەت ەتپەيتىن قوسىمشالار ءۇشىن «قوسىمشانى قولدانۋ كەزىندە» رەجيمىن تاڭداۋ نەمەسە قولجەتىمدىلىكتى تولىعىمەن ءوشىرۋ قاجەت.
كامەرا جانە ميكروفون. ول جۇمىس ءۇشىن شىن مانىندە قاجەت بولاتىن قوسىمشالارعا عانا قولجەتىمدىلىك بەرىڭىز.
بايلانىستار جانە فايلدار. ەگەر قوسىمشانىڭ فۋنكتسيونالى تەلەفون كىتاپشاسىمەن نەمەسە قۇجاتتارمەن جۇمىس ىستەۋدى كوزدەمەسە قولجەتىمدىلىكتى شەكتەڭىز.
قاي كەزدە ساق بولعان ءجون؟
مىنا جاعدايلاردا قوسىمشانى پايدالانباس بۇرىن مۇقيات بولعان ءجون:
- قوسىمشا ءوز فۋنكتسياسىنا قاتىسى جوق كوپتەگەن رۇقساتتى سۇراسا؛
- ازىرلەۋشى تۋرالى اقپارات تولىق بولماسا نەمەسە كۇمان تۋدىرسا؛
- قوسىمشا بەلگىسىز نەمەسە رەسمي ەمەس دەرەككوزدەن جۇكتەلسە؛
- قوسىمشادا ۇزدىكسىز جارناما نەمەسە كۇماندى قالقىمالى تەرەزەلەر پايدا بولسا؛
- قوسىمشا قاجەت بولماسا دا SMS حابارلامالارىنا، كونتاكتىلەرگە، تولەم اقپاراتىنا جانە باسقا دا قۇپيا دەرەكتەرگە قول جەتكىزۋدى تالاپ ەتسە.
- دەربەس دەرەكتەر قاسكويلەر ماقساتتى الاياقتىق شابۋىلدار دايىنداۋ ءۇشىن پايدالاناتىن قۇندى اقپارات بولىپ سانالادى. قوسىمشاعا ءوز جۇمىسىڭىزعا قاجەتتى مولشەردە عانا رۇقسات بەرىڭىز. رۇقساتتاردى جۇيەلى تۇردە تەكسەرۋ - دەربەس دەرەكتەردى قورعاۋعا جانە تسيفرلىق قاۋىپسىزدىك دەڭگەيىن ارتتىرۋعا كومەكتەسەتىن قاراپايىم ادەت، - دەپ ەسكەرتتى اگەنتتىك ماماندارى.
بۇدان بۇرىن تەلەفون الاياقتىعىنا قارسى جاڭا تەتىكتەر قاشان كۇشىنە ەنەتىنىن جازدىق.