ق ر س ءى م: ارمەنياداعى وقيعالار - ەلدىڭ ىشكى ءىسى
استانا. KAZINFORM - قازاقستان س ءى م رەسمي وكىلى ايبەك سمادياروۆ ارمەنياداعى جاعدايعا قاتىستى تۇسىنىكتەمە بەردى.
- ارمەنياداعى وقيعالار - بۇل ەلدىڭ ىشكى ءىسى. قازاقستان ارمەنيامەن دوستىق پەن ستراتەگيالىق سەرىكتەستىك رۋحىندا تولىققاندى ىنتىماقتاستىقتى دامىتىپ جاتىر. ەلدەرىمىز اراسىندا قالىپتاسقان ءوزارا سەنىم اتموسفەراسىن باعالايمىز. ارميان حالقىنا تىنىشتىق پەن اماندىق تىلەيمىز، - دەلىنگەن حابارلامادا.
ت ا س س حابارلاعانداي، 2025-جىلدىڭ 25-ماۋسىمىندا ارمەنيادا «قاسيەتتى كۇرەس» وپپوزيتسيالىق قوزعالىسىنىڭ جەتەكشىسى ارحيەپيسكوپ باگرات (الەمدە ۆازگەن گالستانيان) ۇستالدى. رەسپۋبليكانىڭ تەرگەۋ كوميتەتىنىڭ حابارلاۋىنشا، ول شابۋىل ۇيىمداستىردى جانە بيلىكتى باسىپ الۋعا تىرىستى دەپ ايىپتالعان.
ايتا كەتەيىك، ارمەنيادا پارلامەنت سايلاۋىنىڭ كۇنى بەلگىلەندى.