ق ر پرەزيدەنتى ۆلاديمير زەلەنسكيمەن تەلەفون ارقىلى سويلەستى
20:46, 02 - اقپان 2024
استانا. KAZINFORM - ۋكراينا تاراپىنىڭ باستاماسى بويىنشا قاسىم-جومارت توقايەۆ ۆلاديمير زەلەنسكيمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
اڭگىمەلەسۋ بارىسىندا ۋكراينا پرەزيدەنتى قازاقستاننىڭ قوعامدىق ۇيىمدارى ارقىلى ەلىنە كورسەتىلگەن گۋمانيتارلىق كومەگى ءۇشىن مەملەكەت باسشىسى قاسىم-جومارت توقايەۆقا ريزاشىلىعىن ءبىلدىردى. سونداي-اق تاياۋدا داۆوستا (شۆەيتساريا) 80 نەن استام ەلدىڭ وكىلدەرى قاتىسقان «بەيبىتشىلىك فورمۋلاسى» اتتى كەزدەسۋدىڭ قورىتىندىسى جانە شۆەيتساريادا وتەتىن كەزەكتى جاھاندىق سامميتكە دايىندىق بارىسى جونىندە جان-جاقتى مالىمەت بەردى.
سونىمەن قاتار مەملەكەتتەر باسشىلارى قازاقستان مەن ۋكراينا اراسىنداعى گۋمانيتارلىق، ساۋدا-ەكونوميكالىق بايلانىستاردى دامىتۋ ماسەلەلەرىن تالقىلادى.