ق ر ءى ءى م استاناداعى ءدامحاندا بولعان جارىلىستىڭ جانتۇرشىگەرلىك ۆيدەوسىن جاريالادى

استانا. قازاقپارات – 28-قىركۇيەك كۇنى استانادا اقىرتاس كوشەسىندەگى كافەلەردىڭ بىرىندە گاز باللونى جارىلدى، دەپ حابارلايدى Polisia.kz.

ق ر ءى ءى م مامانداندىرىلعان كۇزەت قىزمەتى باسقارماسىنىڭ قىزمەتكەرلەرى وسى وقيعانىڭ كۋاگەرى بولدى.

پوليسەيلەر دياس ابىتبەك، نۇرجان يسكاكوۆ جانە باقىتجان راحات دەرەۋ زارداپ شەككەندەرگە كومەك كورسەتۋگە اسىقتى. ولار ءورت سوندىرۋشىلەر مەن جەدەل جاردەم شاقىرىپ، ازاماتتاردى ورتەنىپ جاتقان عيماراتتان ەۆاكۋاتسيالاي باستادى.

- ادامدار كوشەگە شىعىپ جاتتى، ءبىراق كەيبىرەۋلەرى ىشىندە قالىپ قويدى. مەن ولارعا شىعۋعا كومەكتەستىم، سودان كەيىن ەشكىمنىڭ قالماعانىن تەكسەردىم. ابىروي بولعاندا ىشتە ەشكىم بولعان جوق. ءۇش مينۋتتان كەيىن ءورت سوندىرۋشىلەر كەلدى، جانە ءبىز عيماراتتا ءتورت گاز باللونى بار ەكەنىن ەسكەرتتىك، - دەدى دياس ابىتبەك.

قاۋىپ-قاتەرگە قاراماستان، پوليسەيلەر ەرلىك كورسەتتى. ولاردىڭ ارەكەتتەرى اۋىر زارداپتاردىڭ الدىن الىپ، ازاماتتاردىڭ قاۋىپسىزدىگىن قامتاماسىز ەتتى.