ق ر الپينيزم جانە جارتاسقا ورمەلەۋ فەدەراتسياسى ىنتىماقتاستىق اۋقىمىن كەڭەيتپەك

استانا. KAZINFORM – ق ر الپينيزم جانە جارتاسقا ورمەلەۋ فەدەراتسياسى (ف ا س) حالىقارالىق ىنتىماقتاستىق جونىندەگى ساراپشى، JA SA باسشىسى فلورەنت بلازەرمەن، شۆەيتساريا، لوزاننامەن وتەۋسىز نەگىزدەگى سەرىكتەستىك تۋرالى كەلىسىمگە قول قويدى.

فەدەراتسيانىڭ باسپا ءسوز قىزمەتىنىڭ حابارلاۋىنشا، كەلىسىم الپينيزم، جارتاسقا ورمەلەۋ، سكي-الپينيزم جانە مۇزعا ورمەلەۋ بويىنشا حالىقارالىق بايلانىستار مەن جوبالار سالاسىنداعى ىنتىماقتاستىقتى دامىتۋعا، سونداي-اق حالىقارالىق ءىس-شارالاردى، باعدارلامالار مەن پەرسپەكتيۆالاردى باسقارۋدى جەتىلدىرۋگە باعىتتالعان.

ىنتىماقتاستىقتىڭ نەگىزگى ماقساتى - فەدەراتسيانىڭ الپينيزممەن، سپورتتىق جارتاسقا ورمەلەۋ جانە مۇزعا ورمەلەۋمەن اينالىساتىن شەتەلدىك ۇيىمدارمەن حالىقارالىق بايلانىستارىن نىعايتۋ؛ قازاقستاندىق سپورتشىلار مەن جاتتىقتىرۋشىلاردىڭ دايارلىق دەڭگەيىن ارتتىرۋ ءۇشىن حالىقارالىق تاجىريبە مەن ساراپتاما تارتۋ، حالىقارالىق جارىستاردى، كونفەرەنتسيالاردى، وقۋ-جاتتىعۋ لاگەرلەرى مەن سەمينارلاردى ۇيىمداستىرۋ.

سەرىكتەستەر حالىقارالىق تاجىريبە، ءبىلىم جانە تەحنولوگيالارمەن الماسۋ، فەدەراتسيانىڭ حالىقارالىق سپورتتىق جانە ءبىلىم بەرۋ باعدارلامالارىنا قاتىسۋى بويىنشا كونسۋلتاتسيالار، قازاقستاندىق سپورتشىلار مەن جاتتىقتىرۋشىلارعا حالىقارالىق ءىس- شارالار مەن جارىستارعا ساپارلاردى ۇيىمداستىرۋعا جاردەمدەسۋ بويىنشا نەگىزگى ماسەلەلەردى تالقىلادى.

وليمپيادا جۇلدەگەرلەرىمەن كەزدەسۋدە مەملەكەت باسشىسى قاسىم-جومارت توقايەۆ چەمپيونداردى ماراپاتتارىمەن قۇتتىقتاپ، ءبىرقاتار كۇردەلى ماسەلەگە توقتالىپ، جاتتىقتىرۋشىلار بازاسىن نىعايتىپ، شەتەلدىك جاتتىقتىرۋشىلاردى شاقىرۋ قاجەتتىگىن اتاپ ءوتتى.

فەدەراتسيا شتابى بارلىق ۇيىمداستىرۋ جانە ۇيلەستىرۋ جۇمىستارىن جۇيەلى تۇردە جۇرگىزىپ كەلەدى، بۇل جاتتىقتىرۋشىلار مەن سپورتشىلاردىڭ وقۋ- جاتتىعۋ پروتسەسىنە تەرەڭ بويلاۋىنا مۇمكىندىك بەرەدى. بۋداپەشتتە وتكەن ىرىكتەۋ ويىندارىندا فەدەراتسيانىڭ ءۇش سپورتشىسى جوعارى ناتيجە كورسەتىپ، ءامىر مايمۇراتوۆ وليمپيادا ليتسەنزياسىن جەڭىپ الدى.

بۇعان دەيىن حابارلانعانداي، بيىلعى جىلى وليمپيادا ويىندارىنىڭ تاريحىندا تۇڭعىش رەت پاريجدە وتكەن وليمپيادادا قازاقستاندىق سپورتشىمىز ءامىر مايمۇراتوۆ «جىلدامدىق» تۇرىنەن سپورتتىق ورمەلەۋدەن الەمنىڭ ەڭ مىقتى بەس سپورتشىسىنىڭ قاتارىنا ەندى.

ىرىكتەۋ جارىسىنىڭ ءبىرىنشى كۇنى ءامىر 4.89 كورسەتكىشپەن وليمپيادا رەكوردىن جاڭارتىپ، 15 مەترلىك ورمەلەۋ قابىرعاسىنا كوتەرىلىپ، شيرەك فينالعا شىقتى.

بۇل جەتىستىكتى مەملەكەت باسشىسى وليمپياداشىلارمەن كەزدەسۋ بارىسىندا اتاپ ءوتتى.

- بيىل وليمپيادادا العاش رەت ۇسىنىلعان جارتاسقا ورمەلەۋدەن سپورتشىلارىمىز كەرەمەت ناتيجە كورسەتتى. قالاي بولعاندا دا، جاسىنا جانە بۇرىنعى سىڭىرگەن ەڭبەگىنە قاراماستان اركىم ءوزىنىڭ وسى مەدالداردى يەلەنۋگە قۇقىلى ەكەنىن دالەلدەدى. كەيبىرەۋلەر ءۇشىن بۇل ۇلكەن سپورتتىق جەتىستىكتەر الەمىنىڭ باستاماسى عانا. ولاردىڭ ەسىمدەرىن ءالى تالاي ەستىپ، وسى سالتانات زالىندا تاعى كورەتىنىمىز انىق، - دەدى پرەزيدەنت.

بۇل فەدەراتسيا ءۇشىن جاڭا جاھاندىق مىندەتتەر تۋدىرادى. سپورتتى دامىتۋعا كۇش- جىگەر جۇمسالعان سايىن، سپورتتا جاڭا جۇلدىزداردىڭ پايدا بولۋ مۇمكىندىگى سوعۇرلىم جوعارى بولادى. فەدەراتسيا ءاۋ باستان ناتيجەگە باعىتتالعان جانە ءوز جۇمىسىندا سپورتشىلاردى دايىنداۋ ورتالىقتارىنىڭ وڭىرلىك جانە حالىقارالىق جەلىسىمەن زاماناۋي ينفراقۇرىلىمدى دامىتۋعا، الەمدىك دەڭگەيدەگى تۋرنيرلەر مەن چەمپيوناتتارعا قاتىسۋ ءۇشىن حالىقارالىق سەرىكتەستىك كەلىسىمدەرىن جاساۋعا ەرەكشە كوڭىل بولەدى.

- وليمپيادا رەكوردىن ورناتقان سپورتشىمىز ءامىر مايمۇراتوۆتىڭ جەتىستىگى بۇكىل قازاقستاننىڭ، بۇكىل فەدەراتسيانىڭ جەڭىسى بولدى. سپورتتىق جارتاسقا ورمەلەۋ - سالىستىرمالى تۇردە جاس سپورت ءتۇرى، سوعان قاراماستان، سپورتشىلارىمىز تۇراقتى تابىسقا جەتىپ كەلەدى. ءبىزدىڭ مىندەتىمىز - الپينيزمدى، سپورتتىق جارتاسقا ورمەلەۋدى جانە شاڭعىمەن سىرعاناۋدى ۇلتتىق سپورت تۇرلەرىنىڭ بىرىنە اينالدىرۋ. ءبىز فەدەراتسيا رەتىندە الەمدىك ستاندارتقا ساي بارلىق جاعدايدى جاساساق، سپورتشىلار جاڭا جەڭىستەرگە بار كۇش-جىگەرىن سالىپ، حالىقارالىق ارەنادا قازاقستاندى لايىقتى دەڭگەيدە تانىتا الاتىنىنا سەنىمدىمىن. بۇل كەلىسىمگە قول قويۋ سپورتشىلارعا ەڭ جاقسى نىسانداردا جاتتىعۋعا، جاتتىقتىرۋشىلارعا - حالىقارالىق ىنتىماقتاستىق شەڭبەرىن كەڭەيتۋگە، سپورتشىلاردىڭ ۇزدىكتەرىن دايىنداۋدا جاڭا، نەعۇرلىم ءونىمدى حالىقارالىق تاسىلدەردى ەنگىزۋگە مۇمكىندىك بەرەدى. وتاندىق سپورتتى مەتسەناتتار بەلسەندىرەك قولداعانىن قالايمىن، ويتكەنى پاتريوتيزم دەگەن وسى ەمەس پە؟ . سپورتشىلاردى دايىنداۋعا كاسىبي كوزقاراستى قالىپتاستىرۋداعى بارلىق قۇرامداس بولىكتەردى بىرىكتىرۋ ارقىلى ءبىز وسى ديناميكالىق ءتارتىپ بويىنشا كاسىبي مامانداردى دايىنداي الامىز،-دەدى قازاقستان رەسپۋبليكاسى الپينيزم جانە سپورتتىق جارتاسقا ورمەلەۋ فەدەراتسياسىنىڭ پرەزيدەنتى نۇرسۇلتان شوقانوۆ.