ق ح ر بانكتەردى قولداۋ ءۇشىن 70 ميلليارد دوللارعا مەملەكەتتىك وبليگاتسيالار شىعارادى
استانا. KAZINFORM - قىتايدىڭ قارجى مينيسترلىگى ءىرى مەملەكەتتىك كوممەرتسيالىق بانكتەردى قولداۋ ءۇشىن قۇنى 500 ميلليارد يۋان (شامامەن 69,7 ميلليارد دوللار) بولاتىن ارنايى قازىناشىلىق وبليگاتسيالار شىعارىلاتىنىن جاريالادى.
ۆەدومستۆونىڭ مالىمدەمەسىندە بۇل شارالار ءتورت بانكتى قولداۋعا باعىتتالعانى اتاپ ءوتىلدى: قىتاي بانكى، قىتايدىڭ قۇرىلىس بانكى، قىتاي كوممۋنيكاتسيالار بانكى جانە قىتايدىڭ پوشتا-جيناقتاۋشى بانكى.
- قازىرگى ۋاقىتتا قىتايدىڭ ەڭ ءىرى مەملەكەتتىك كوممەرتسيالىق بانكتەرىندە اكتيۆتەر ساپاسى تۇراقتى جانە ىقتيمال شىعىنداردى جابۋ ءۇشىن جەتكىلىكتى قور بار، - دەپ حابارلادى مينيسترلىك.
بۇدان باسقا، بۇل بانكتەرگە ناقتى ەكونوميكاعا قىزمەت ەتەتىن نەگىزگى كۇش رەتىندەگى ءرولىن جاقسارتۋعا كومەكتەسەدى دەپ كۇتىلىپ وتىر.
ەسكە سالا كەتسەك، ناۋرىز ايىنىڭ باسىندا قىتاي پارلامەنتى 14- بەسجىلدىق جوسپارىن قابىلدادى.