قالالىق دەنساۋلىق ساقتاۋ باسقارماسىنىڭ حابارلاۋىنشا، ەلوردادا Pfizer ۆاكسيناسى مەدينالىق ۇيىمدار مەن Abu Dhabi Plaza ساۋدا جانە ويىن-ساۋىق ورتالىعىنداعى ەكپە ەگۋ بەكەتىندە قولجەتىمدى.
سونداي-اق، اتالعان مەكەمە ۆاكسيناتسيا مودۋلىنە Pfizer ۆاكسيناسى بويىنشا ءتيىستى وزگەرىستەر ەنگىزىلىپ جاتقانىنا نازار اۋدارىپ، پاتسيەنتتىڭ دەرەكتەرىن ساندىق بازاعا، ياعني ەلەكتروندى تۇردە ەنگىزۋ ءالى مۇمكىن ەمەس ەكەنىن حابارلادى.
بۇل جۇمىس ءبىراز ۋاقىت قاعاز جۇزىندە جۇرگىزىلەدى. ۆەدومستۆو بارلىق دەرەكتەردى تولتىرۋ بويىنشا مەديتسينا قىزمەتكەرلەرىنىڭ جۇمىسىنا تۇسىنىستىكپەن قاراۋدى سۇرايدى. شەتەلگە شىعاتىن ادامدارعا راستايتىن قۇجاتتار ۇسىنىلعان كەزدە ك ۆ ي- عا قارسى ۆاكسيناتسيالاۋدىڭ تولىق كۋرسىن قايتادان جۇرگىزۋگە جول بەرىلەدى.
بۇل رەتتە ۆاكسينانى تاڭداۋ ساپارعا شىعۋ جوسپارلانعان ەلدىڭ تالاپتارىنا بايلانىستى جۇرگىزىلەدى. كۆي- عا قارسى سوڭعى ەكپە مەن ك ۆ ي-عا قارسى ۆاكسيناتسيانىڭ قايتالاما تولىق كۋرسى اراسىنداعى ارالىق كەمىندە 3 اي دەپ ۇسىنىلادى. ەگەر دوزالار اراسىنداعى ارالىق 3 ايدان اسپاعان بولسا، الىنعان رەۆاكسيناتسيانى ۆاكسيناتسيالاۋدىڭ تولىق كۋرسىن قايتا جۇرگىزۋ كەزىندە ۆاكسينانىڭ ءبىرىنشى دوزاسى رەتىندە ەسەپكە الىنادى.
ماماندار قايتا ۆاكسيناتسيالاۋ ەكى كومپونەنتتى بىردەي قابىلداپ تولىق يممۋناداۋدان ءوتۋدى قاراستىرادى، ال رەۆاكسيناتسيا - بىرەۋىن عانا قابىلداۋ دەپ تۇسىندىرەدى. قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، بۇل ءۇشىن ەلوردادا امەريكاندىق پرەپاراتتىڭ ۆاكسينالارى جەتكىلىكتى - 1 جانە 2 كومپونەنتتى 166 مىڭ مىڭنان استام دوزا. سونداي-اق، Sinopharm Verocel، Qazvac ۆاكسينالارى قالا تۇرعىندارى ءۇشىن قولجەتىمدى.