بۇل جايىندا نۇر-سۇلتان قالالىق قوعامدىق دەنساۋلىق ساقتاۋ باسقارماسىنان ءمالىم ەتتى، دەپ حابارلايدى قازاقپارات ءتىلشىسى.
ۆەدومستۆو مالىمەتىنشە، ەكپە العانداردىڭ ىشىندە 14 جۇكتى ايەل (جۇكتىلىكتىڭ 16-36 اپتاسى)، 133 بالا ەمىزەتىن انا جانە 192 جاس ءوسپىرىم بار.
«كەشە نۇر- سۇلتان وسى پرەپاراتپەن ۆاكسينالاۋعا جاتاتىن ازاماتتارعا ەكپە سالۋدى باستادى. العاشقى كۇنى جۇكتى ايەلدەر، بالا ەمىزەتىن انالار، جاسوسپىرىمدەر اراسىنان ەكپە العىسى كەلەتىندەر كوپ بولدى. وقۋشىلار، ستۋدەنتتەر اتا- انالارىمەن بىرگە كەلىپ، بەلسەندىلىك تانىتتى. سونىمەن قاتار، ۆاكسيناتسيا قالا مەكتەپتەرىندە جاقسى جۇرگىزىلدى. بارلىعى مەديتسينالىق تەكسەرۋدەن ءوتىپ، ۆاكسينا الۋعا دارىگەردىڭ رۇقساتىن الدى، ءارقايسىسىنا تۇسىنىكتەمە بەرىلدى»، - دەدى باسقارما باسشىسىنىڭ ورىنباسارى ءاليا رۇستەموۆا.
قالالىق دەنساۋلىق ساقتاۋ باسقارماسىنىڭ اقپاراتىنا سايكەس، جاسوسپىرىمدەر اراسىندا ەكپە العانداردىڭ 127 سى 16-17 جاس ارالىعىنداعى بالا.
ەستەرىڭىزگە سالا كەتەيىك، اتالعان ساناتتاعى ادامداردى ۆاكسيناتسيالاۋ تەك مەديتسينالىق ۇيىمداردىڭ جانە قالالىق مەكتەپتەردىڭ مەديتسينالىق پۋنكتتەرىندە جۇرگىزىلەدى. قالا بويىنشا بارلىعى 5 مىڭ جۇكتى ايەل، لاكتاتسيا كەزەڭىندە 28 مىڭ ايەل جانە 63 مىڭ بالا Pfizer پرەپاراتىمەن ۆاكسيناتسيالانۋى كەرەك.