تۇركىستان وبلىسىندا Pfizer ۆاكسيناسىمەن ەگىلگەندەر سانى 7 مىڭنان استى
14:31, 22 - قاراشا 2021
تۇركىستان. قازاقپارات - تۇركىستان وبلىسىندا كوروناۆيرۋس ينفەكسياسىنا قارسى «Pfizer» ەكپەسىن سالۋ جۇمىستارى 15-قاراشادان باستالدى.
بۇگىنگە دەيىن 12-17 جاس ارالىعىنداعى 5513 جاس ءوسپىرىم، 1222 جۇكتى ايەل جانە 496 لاكتاتسيا كەزەڭىندەگى انالار ەكپەمەن قامتىلدى، دەپ حابارلايدى قازاقپارات ءتىلشىسى.
جىل باسىنان بەرى وبلىستا 14 جاسقا دەيىنگى 322 بالا كوروناۆيرۋسپەن اۋىرىپ، 209 سىنىپقا كارانتين جاريالانعان بولاتىن.
مامانداردىڭ ايتۋىنشا ەپيدەميولوگيالىق تەكسەرۋ كەزدەرىندە بەلگىلى بولعانداي، بالالاردىڭ كوبىسى Covid-19 ينفەكسياسىن ناۋقاس اتا-انالارى مەن جانە ءبىلىم مەكەمەلەرىندە بايلانىستا بولعاندا جۇقتىرعان. سوندىقتان ەرەسەكتەردىڭ عانا ەمەس، جاسوسپىرىمدەردىڭ دە كوروناۆيرۋسقا قارسى يممۋنيتەتىن كوتەرۋ ماڭىزدى.
ايتا كەتەيىك، تۇركىستان وبلىسىنا «Pfizer» ۆاكسيناسىنىڭ 17550 دانا مولشەرىندەگى ەكىنشى پارتياسى جەتكىزىلگەن.
اۆتور: قايرات زاينيشەۆ