وڭىرگە 17 -قاراشاعا دەيىن «Pfaizer» ۆاكتسيناسىنىڭ 17 مىڭ دوزاسى جەتكىزىلەدى. بۇل بويىنشا بارلىعى 97 مىڭ دوزا الىنادى دەپ جوسپارلانعان. الدىمەن ەكپە 17-18 جاستاعى جاسوسپىرىمدەرگە سالىنادى. ول ءۇشىن مىندەتتى تۇردە اتا- اناسىنىڭ كەلىسىمى الىنادى. ال، جۇكتىلىگى 16-37 اپتادان اسقان جۇكتى ايەلدەرگە دە ۆاكتسينا سالدىرۋعا بولادى.
«سوڭعى كۇندەرى اۋا رايىنىڭ تۇراقسىزدىعىنا بايلانىستى ج ر ۆ ي، تۇماۋ اۋرۋلارىنىڭ تارالۋى كۇرت كوبەيۋدە. تىنىس الۋ اۋرۋلارى كۇرت وسكەن جاعدايدا اۋرۋحانادا نەگىزگى ەمدەۋ ورىندارىنا قوسىمشا توسەك ورىن سانى كوبەيىپ وتىرادى. كوپبەيىندى وبلىستىق بالالار اۋرۋحاناسى مەن وبلىستىق جۇقپالى اۋرۋلار اۋرۋحاناسىنداعى توسەك ورىندار سانى تولىق»،-دەدى وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆ.
بيىل وبلىس كولەمىندە جەدەل رەسپيراتورلى ۆيرۋستى ينفەكتسياسىنىڭ 19851 جاعدايى ەسەپكە الىنعان. بۇل وتكەن جىلدىڭ وسى مەرزىمىمەن سالىستىرعاندا 26,9 پايىزعا جوعارى.
ەسكە سالساق، بۇعان دەيىن كوروناۆيرۋستى باعالاۋ ماتريتساسىندا قىزىلوردا وبلىسى جاسىل
ايماققا وتكەنىن حابارلاعان بولاتىنبىز.