نيگەريادا قايىرىمدىلىق شاراسى كەزىندە 22 ادام قازا بولدى
استانا. KAZINFORM - نيگەريادا قايىرىمدىلىق شاراسى كەزىندە جاپپاي قىسپاقتا قالعان جۇرت ءبىرىن- ءبىرى تاپتاپ، 22 ادام كوز جۇمدى.
سەنبى كۇنى نيگەريانىڭ وڭتۇستىك-شىعىسىنداعى انامبرا شتاتىنداعى وكيدجا قالاسىندا روجدەستۆو مەرەكەسى قارساڭىندا حالىققا ازىق-تۇلىك پەن وسىمدىك مايىن تاراتۋعا ارنالعان قايىرىمدىلىق شاراسى وتكەن. سول كەزدە قىسپاقتا قالعان 22 ادام قازا بولدى. مەرت بولعاندار سانى بۇدان كوپ بولۋى مۇمكىن.
انامبرا پوليتسياسىنىڭ وكىلى توچۋكۆۋ يكەنگانىڭ ايتۋىنشا، زارداپ شەككەن كەي ادامدار جەرگىلىكتى اۋرۋحانالاردا ەمدەلىپ جاتىر. ءبىراق ولاردىڭ ناقتى سانى ايتىلمادى. قازىر وقيعاعا قاتىستى تەرگەۋ جۇرگىزىلۋدە.
ايتا كەتەيىك، جاقىندا نيگەريانىڭ ۇلتتىق پوليتسياسىنىڭ باسشىسى كايودە ەگبەتوكۋن الەۋمەتتىك تۇرعىدا وسال ساناتتاعى ازاماتتارعا ارنالعان جارمەڭكەلەر مەن باسقا دا ءتۇرلى شارالاردىڭ تالاپقا ساي ۇيىمداستىرىلماۋىنان ادام ءولىمى بولاتىنىن ايتىپ، قاتاڭ ەسكەرتۋ جاساعان ەدى.
وسىعان دەيىن نيگەريانىڭ وڭتۇستىگىندە ۇيىمداستىرىلعان جارمەڭكەدە 32 بالا مەرت بولعانىن جازدىق.