نومينالى 10000 تەڭگە مەرەيتويلىق بانكنوتا اينالىمعا شىعادى
قازاقستان ۇلتتىق بانكى ۇلتتىق ۆاليۋتانىڭ 30 جىلدىعىنا وراي 15- قاراشادان باستاپ نومينالى 10000 تەڭگەلىك مەرەيتويلىق بانكنوتانى اينالىمعا شىعارادى، دەپ حابارلايدى Kazinform.
بانكنوتادا 19 قورعانىش ەلەمەنتى بار. مونەتا بەينەلەنگەن ديزايندا نەگىزگى گولوگرافيالىق ەلەمەنت - تەڭگەنىڭ «₸» بەلگىسى قولدانىلعان.
بانكنوتانىڭ ەكى جاعىندا دا شەكسىز قوزعالىستىڭ سيمۆولى - «مەبيۋس لەنتاسى» بار.
بانكنوتانىڭ الدىڭعى بەتىندە قازاقى ويۋ-ورنەكپەن ءداستۇرلى ستيلدە بەزەندىرىلگەن قازاقستان كارتاسى ايماقتارىمەن بەينەلەنگەن. بانكنوتانىڭ ەكىنشى بەتىندە كارتاداعى ەۋرازيا قۇرلىعىنىڭ جالپى كونتۋرى سىزىلعان.
وندا 5 م م ماگنيتتى قورعانىش ءجىپ پەن «₸» بەلگىسى تۇرىندەگى سپارك ەلەمەنتى بار.
نومينالى 10000 تەڭگەلىك مەرەيتويلىق بانكنوتا ءوز قۇنىنا ساي قازاقستان رەسپۋبليكاسىنىڭ بۇكىل اۋماعىندا تولەمنىڭ بارلىق ءتۇرى بويىنشا قابىلدانۋعا جاتادى.
سونداي-اق بانكتىك شوتقا سالۋعا، قازاقستان رەسپۋبليكاسىنىڭ بارلىق بانكىندە اۋدارۋعا جانە ۇساقتالۋعا مىندەتتى.