ونلاين باسقوسۋدى جۋرناليست، بلوگەر ايدوس جۇقان ۇلى جۇرگىزدى. كونفەرەنتسياعا قازاقستاننىڭ ەڭبەك سىڭىرگەن قايراتكەرى دۇكەن ءماسىمحان ۇلى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ شىعىس تانۋ كافەدراسىنىڭ پروفەسسورى تۇرسىنحان زاكەن ۇلى، قازاقستان رەسپۋبليكاسى پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى اۋىت مۇقيبەك، حالىقارالىق دارەجەدەگى ماركەتينگ جانە PR مامانى جاردانبەك نازگۇل، «مىنبەر» جۋرناليستەردى قولداۋ ورتالىعىنىڭ جەتەكشىسى، جۋرناليست ەسەنگۇل كاپ قىزى، «وتانداستار قورى» ك ە ا ق قانداستاردى قولداۋ دەپارتامەنتىنىڭ باسقارۋشىسى عازيز تاستايەۆ جانە ءار سالادا قىزمەت ەتىپ جۇرگەن وزىق ءارى بەلسەندى ازاماتتار قاتىستى.
مودەراتور ايدوس جۇقان ۇلى «Nur Otan» پارتياسى كوپتەگەن يگى ىستەردى اتقارىپ جاتقانىن، سونىڭ ءبىرى وسى پرايمەريز ەكەنىن تىلگە تيەك ەتتى.
«Nur Otan» پارتياسى بارلىعىنا كەڭ مۇمكىندىك بەرىپ، ازاماتتارعا جول اشىپ وتىر. باستى ۇستانىمدارى ادىلدىك ءۇشىن ايلاق بولۋ. بۇعان مەندە سەنەم. ناعىز دەموكراتيالىق پرينتسيپتەر پرايمەريز ارقىلى ورنىعۋ كەرەك»، - دەدى.
ءبىرى - وتىز جىل بۇرىن، ءبىرى جۋىردا عانا اتامەكەنگە ورالعان وتانداستار ءوزى قىزمەت ەتەتىن سالاداعى پروبلەمالاردى كوتەرىپ، پرايمەريزگە قاتىسۋ ارقىلى سول ماسەلەلەردى شەشكىسى كەلەتىنىن ايتتى. العاش ءسوز تىزگىنىن العان دۇكەن ءماسىمحان ۇلى پرايمەريزدى ەلىمىزدەگى باس پارتيا ساياساتىنىڭ اشىقتىعى دەپ باعا بەردى. پارتياىشىلىك ىرىكتەۋگە قاتىسىپ، ءبىلىم- عىلىم سالاسىنداعى ءبىراز ماسەلەلەردى كوتەرۋگە نيەتتى ەكەنىن ايتتى.
«عۇمىرىمدى ءبىلىم- عىلىم سالاسىندا سارپ ەتكەن ازامات رەتىندە تاۋەلسىز ەلىمنىڭ دامۋىنا ءالى دە ۇلەس قوسقىم كەلەدى. بىزگە وسىنداي مۇمكىندىك بەرىپ وتىرعان «Nur Otan» پارتياسىنا العىسىمىز شەكسىز»، - دەدى.
ال، قازاقستان رەسپۋبليكاسى پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى، پارتياىشىلىك ىرىكتەۋگە قاتىسۋشى اۋىت مۇقيبەك پرايمەريز شەتتەن كەلگەن اعايىندارعا نە بەرەدى دەگەن سۇراققا جاۋاپ بەردى.
«پرايمەريز - قانداستارىمىزدىڭ ساياسي پروتسەستەرگە ارالاسۋىنا ۇلكەن مۇمكىندىك. ءارى دەپۋتاتتاردى ىرىكتەۋدىڭ تەڭدەسسىز ءتاسىلى. ەلىمىزگە قونىس اۋدارىپ كەلگەندەردىڭ ماسەلەسىن قانداستار كوبىرەك بىلەتىندىكتەن، ولاردىڭ سايلاۋعا قاتىسۋى وتە ماڭىزدى»، - دەپ اتاپ ءوتتى.
سونىمەن قاتار، حالىقارالىق دارەجەدەگى ماركەتينگ جانە PR مامانى نازگۇل جانداربەك تە اتالعان ناۋقاننان تىس قالمايتىنىن اتاپ ءوتتى.
«مەملەكەتتىك باسقارۋ جۇيەسىنە شەتەلدىك ۇزدىك تاسىلدەردى كىرگىزگەنىمىز بىزگە مەملەكەتتىك قىزمەتتەردى جەڭىلدەتە تۇسەدى. سونىڭ ءبىرى وسى پرايمەريز وتكىزۋ. قازىرگى كەزدە ەلىمىزدە بەلسەندى جاستار كوپ. ولاردىڭ تالپىنىسى جوعارى. پارتيا ىشىندە پرايمەريز ارقىلى وسىنداي بەلسەندى ازاماتتاردى ىرىكتەپ شىعارۋ جۇمىستارى جۇرگىزىلۋدە. وسى ءساتتى ءبىز وڭتايلى پايدالانا ءبىلۋىمىز كەرەك. سوندىقتان مەن قولىمدى سىلتەپ، بۇل مۇمكىندىكتەن قالىس قالعىم كەلمەيدى. 30 جىل بويى ىستەگەن جۇمىسىمنىڭ ناتيجەسىن ەندى مەملەكەت قىزمەتىنە ارناعىم كەلەدى» - دەدى ول.
اقىن، جازۋشى اسكەرحان اقتاي پرايمەريز پارتياىشىلىك ىرىكتەۋ ەلگە جاڭا لەپ اكەلەتىن وڭدى قادامداردىڭ ءبىرى ەكەنىنە توقتالدى.
«مەنىڭ ماقساتىم - قانداستارىمىزدىڭ ەكونوميكالىق- الەۋمەتتىك، رۋحاني ماسەلەسىنە قولداۋ كورسەتۋ، ەلدەگى تۇيتكىلدى ماسەلەلەردى شەشۋ. پرامەريز ءادىل وتەدى دەپ ويلايمىن. ەلدىڭ بولاشاعىنا ەلەۋلى ۇلەس قوساتىن ازاماتتاردىڭ پرايمەريزدىڭ ناتيجەسىندە سايلاناتىنىنا سەنەمىن»، - دەپ، پرايمەريزگە قاتىساتىنىن اتاپ ءوتتى.
كونفەرەنتسيا بارىسىندا «وتانداستار قورى» ق ە ا ق قانداستاردى اقپاراتتىق قولداۋ ورتالىعىنىڭ مەڭگەرۋشىسى بولات زاۋت مەملەكەتتى ارمەن قاراي دامىتۋعا اتسالىسۋ ءۇشىن ەل ازاماتتارىن پرايمەريزگە قاتىسۋعا شاقىردى. ەسەنگۇل كاپ قىزى باسەكەگە قابىلەتتىلىكتى ارتتىرۋدىڭ ماڭىزدىلىعىن ايتا كەلە، پارتيا مەن حالقىمىزدىڭ الدىندا تۇرعان سىننان سۇرىنبەي ءوتۋدى تىلەدى. ال س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ەكونوميكالىق تەوريا جانە قۇقىق كافەدراسىنىڭ اعا وقىتۋشىسى قايرات بوداۋحان پرايمەريزگە قاتىسۋشىلارعا ەلدەگى دەموگرافيالىق ماسەلەلەردى كوتەرۋگە، اۋىلشارۋاشىلىعىن جانداندىرۋعا كۇش سالۋ كەرەك دەگەن ۇسىنىسىن ءبىلدىردى. ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ شىعىستانۋ كافەدراسىنىڭ پروفەسسورى تۇرسىنحان زاكەن ۇلى پارلامەنتكە جەرگىلىكتى قازاقتار مەن شەت ەلدەگى اعايىننىڭ مۇڭ- مۇقتاجىن ويلايتىن، حالىققا جانى اشيتىن ازاماتتاردىڭ كەلەتىنىنە سەنەتىنىن ايتتى. «ەركە- نۇر» ج ش س باس ديرەكتورى فاريدا مەرحاميت قىزى كوشى- قون ماسەلەلەرىنە بەلسەندى تۇردە ارالاسىپ، اتسالىسقانىن تىلگە تيەك ەتىپ، ەلدىڭ ساياسي ومىرىندە حالىقپەن بىرگە كەلە جاتقانىن، سونداي- اق ءماسليحاتتا ىستەگەن جىلدارىندا جيناقتاعان تاجىريبەسىن بۇدان ءارى دە پايدالانۋ ءۇشىن پرايمەريزگە قاتىسىپ، جوعارى دەڭگەيدە جۇمىس ىستەۋگە بار كۇشىن سالاتىنىن ءسوز ەتتى.
كونفەرەنتسيانى قورىتىندىلاۋ بارىسىندا «Nur Otan» پارتياسىنىڭ حاتشىسى ارمان قىرىقبايەۆ پارتياىشىلىك پرايمەريزدىڭ حالىقتىڭ ءۇمىتىن قانشالىقتى اقتايتىنىنا توقتالدى.
«ءبىز بۇل پرايمەريزگە ۇلكەن ءۇمىت ارتامىز. بۇل ناۋقان «Nur Otan» پارتياسىنىڭ دەپۋتاتتارىنىڭ سانىن جاڭعىرتۋدىڭ ءتيىمدى جولى. وسىنى ىسكە اسىرۋ ءۇشىن ەلدىڭ الدىنا شىعىپ حالىقپەن كەزدەسەتىن، ءوزىنىڭ سوزىنە جاۋاپ بەرە الاتىن، تالاپ قويا الاتىن، ۋادە بەرىپ قانا قويماي، سونى ورىنداي الاتىن ازاماتتار كەرەك. دودا بولعاننان كەيىن، بۇل جەردە تالاس، تارتىس جۇرەدى. ءار ايماقتىڭ ءوز سەركەلەرى، بەلسەندىلەرى بار. ولاردىڭ قاي- قايسىسى بولماسىن وسى پرايمەريزدە جەڭىسكە جەتكىسى كەلەدى. پرايمەريزدىڭ جوعارى دەڭگەيدە، مەيىلىنشە ءادىل ءوتۋى بارلىعىمىزعا بايلانىستى. ەلدىڭ الدىندا جۇرگەن، قوعامعا پايداسى تيەتىن ازاماتتار ناۋقانعا قاتىسسا، پرايمەريز دە جاقسى وتەدى. ال ءبىز ءوز تاراپىمىزدان قولىمىزدان كەلگەننىڭ ءبارىن جاسايمىز»، - دەدى پارتيا حاتشىسى.
ەستەرىڭىزگە سالا كەتەيىك، بۇعان دەيىن ەلباسى، پارتيا كوشباسشىسى نۇرسۇلتان نازاربايەۆ ءوزىنىڭ ۆيەدوۇندەۋىندە «Nur Otan» جاقتاستارىن جانە پارتيالاستاردى ەلىمىز ءۇشىن ماڭىزدى ساياسي وقيعاعا بەلسەنە قاتىسۋعا شاقىردى. 17 -تامىزدا ەلىمىزدىڭ بارلىق ايماقتارىندا «Nur Otan» پارتياسىنىڭ پرايمەريزدەرىنە كانديداتتاردى ۇسىنۋ جانە تىركەۋ باستالدى. قازىرگى ۋاقىتتا التى مىڭنان استام ادام پارتياىشىلىك ىرىكتەۋگە قاتىسۋعا نيەت ءبىلدىردى. ۇگىت- ناسيحاتقا دايىندالۋ ءۇشىن كانديداتتارعا 31 -تامىزدان 6 -قىركۇيەككە دەيىن 7 كۇن بولىنەدى. 7 قىركۇيەك پەن 3 قازان ارالىعىندا كانديداتتاردىڭ ۇگىت- ناسيحات جۇمىستارى، سونىڭ ىشىندە 14-30 -قىركۇيەك ارالىعىندا كوپشىلىككە جاريا دەباتتار وتەدى. دەباتتار «پرايمەريز» ارنايى اقپاراتتىق جۇيەسى ارقىلى پارتيانىڭ رەسمي اككاۋنتتارىندا كورسەتىلەدى.