پەنتاگون قۇپيا اقپاراتتىڭ تاراعانىن جوققا شىعاردى

استانا. KAZINFORM - پەنتاگوننىڭ باسپا ءسوز حاتشىسى شون پارنەلل The New York Times اقپارات كوزدەرىنىڭ پيت حەگسەتتىڭ Signal توپتىق چاتىنا قۇپيا اقپاراتتى جىبەرگەنى تۋرالى مالىمەتتەرىن جوققا شىعاردى، دەپ حابارلايدى Kazinform.

- فەيك حابارلار تاراتىپ جۇرگەن The New York Times پەن وزگە دە ب ا ق بۇگىنگى جاعدايعا كوڭىلى تولمايتىن بۇرىنعى قىزمەتكەرلەردىڭ شاعىمدارىن وزدەرىنىڭ ماقالالارىنا جالعىز اقپارات كوزى رەتىندە پايدالانادى. وسى اپتادا كوپتەگەن قىزمەتشى جۇمىسىنان بوساتىلدى. وسىعان قاراي ولار مينيسترلىكتىڭ جۇمىسىنا نارازى جانە ونى مۇمكىندىگىنشە جوققا شىعارۋعا تىرىساتىنى تۇسىنىكتى. ب ا ق بولسا سولاردىڭ وي-پىكىرلەرىن پايدالانىپ اقپارات تاراتادى، - دەپ جازدى شون پارنەلل X الەۋمەتتىك دەلىسىندە.

ونىڭ ايتۋىنشا، Signal چاتتارىنىڭ ەشقايسىسىندا قۇپيا اقپارات بولعان جوق.

بۇعان دەيىن New York Times ءتورت ادامعا سىلتەمە جاساي وتىرىپ، ا ق ش قورعانىس ءمينيسترى پيت حەگسەتتىڭ جۇبايى مەن اعالارى كىرەتىن Signal شيفرلانعان توپتىق چاتىنا يەمەندەگى سوققىلار تۋرالى قۇپيا اقپاراتتى جىبەرگەنىن حابارلادى.