استانا. KAZINFORM - ا ق ش قورعانىس مينيسترلىگىنىڭ سايتىندا جاريالانعان مالىمەتكە سايكەس، پەنتاگون Lockheed Martin قورعانىس كورپوراتسياسىنا 1 ميلليارد دوللاردان استام سوماعا جەدەل سوققى جۇيەسىنىڭ تۇرلەندىرىلگەن نۇسقاسىن ازىرلەۋگە تاپسىرىس بەردى، دەپ حابارلايدى ت ا س س.
جاريالانعان مالىمەتتەرگە سايكەس، Lockheed Martin تولىق قىزمەت كورسەتۋ كەشەنىنە تاپسىرىس العان. وعان باعدارلامانى باسقارۋ، ينجەنەرلىك ازىرلەمەلەر، جۇيەلەردى بىرىكتىرۋ، سونداي-اق Conventional Prompt Strike («كونۆەنتسيونالدى جەدەل سوققى») جۇيەسىنە ارنالعان زىمىراندار مەن ۇشىرۋ قۇرىلعىلارىن وندىرۋگە قاجەتتى ماتەريالدار، قۇرالدار مەن جابدىقتاردى ساتىپ الۋ كىرەدى.
بۇعان دەيىن بۇل قورعانىس كومپانياسى اۆتونومدى باسقارۋ جۇيەسىمەن جابدىقتالعان جانە ۇشقىشسىز ۇرىس جۇرگىزە الاتىن بەسىنشى بۋىن F-35 جويعىشتارىن جاڭعىرتۋ جوسپارى بارىن مالىمدەگەن بولاتىن.
ايتا كەتەلىك پەنتاگون قۇپيا اقپاراتتىڭ تاراعانىن جوققا شىعارعان ەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.