نەتانياحۋ يراننىڭ يزرايلگە قاتىستى مالىمدەمەسىن كۇمانمەن قابىلدادى

استانا. KAZINFORM - ت ا س س حابارلاعانداي، يزرايل پرەمەر- ءمينيسترى بينيامين نەتانياحۋ يران س ءى م باسشىسى ابباس اراگچيدىڭ يسلام رەسپۋبليكاسى يزرايل ءوزىنىڭ اگرەسسياسىن توقتاتسا، يەۆرەي مەملەكەتىنە سوققى بەرۋدى توقتاتۋعا دايىن ەكەندىگى تۋرالى مالىمدەمەسىنە كۇمانمەن قارادى.

ونىڭ ويىنشا، يران مۇنداي مالىمدەمە جاساۋ ارقىلى «جامان نيەتپەن ارەكەت ەتىپ جاتىر».

- ماسەلە دەەسكالاتسيادا ەمەس. ماسەلە اتىستى توقتاتۋدا ەمەس. ماسەلە ءبىزدىڭ ءومىر سۇرۋىمىزگە قاۋىپ توندىرەتىن نارسەنى توقتاتۋدا جانە ءبىز ولاردى توقتاتۋعا نيەتتىمىز، - دەپ قوستى نەتانياحۋ.

بۇعان دەيىن اراگچي يراننىڭ قورعانىسى «تولىق زاڭدى» جانە «[يزرايلدىڭ] اگرەسسياسى توقتاسا، تەگەراننىڭ جاۋاپ ارەكەتتەرى دە توقتايدى» دەپ مالىمدەدى. يسلام رەسپۋبليكاسىنىڭ سىرتقى ىستەر ءمينيسترى سونداي-اق يزرايلدىڭ «يادرولىق ماسەلەدە ەشقانداي كەلىسىمگە قول جەتكىزگىسى، كەلىسسوز جۇرگىزگىسى كەلمەيتىنىن جانە ديپلوماتيانى قالامايتىنىن» اتاپ ءوتتى.

بي- بي- سي حابارلاعانداي، يران مەن يزرايل جەكسەنبىدە ءبىر- بىرىنە سوققى جاسادى.

ا ق ش پرەزيدەنتى دونالد ترامپ ABC News ارناسىنا بەرگەن سۇحباتىندا ا ق ش يران- يزرايل قاقتىعىسىنا ارالاسۋى مۇمكىن ەكەنىن ايتتى.

ول ەگەر ۆلاديمير پۋتين يران مەن يزرايل اراسىندا بەيبىتشىلىك ورناتۋدا دەلدال رولىن ءوز موينىنا السا، قارسى بولمايتىنىن باسا ايتتى.

يزرايلدىڭ توتەنشە جاعدايلار قىزمەتى حايفادا يران زىمىرانىنان كەيىن باستالعان ءورت تۋرالى حابارلادى.

يزرايل يسلام رەسپۋبليكاسى سىرتقى ىستەر مينيسترلىگىنە تيەسىلى عيماراتتاردىڭ بىرىنە سوققى بەردى. بۇل تۋرالى سىرتقى ىستەر ءمينيسترىنىڭ ورىنباسارى سايد حاتيبزادە مالىمدەدى، دەپ حابارلايدى ت ا س س.

- يزرايل يران سىرتقى ىستەر مينيسترلىگىنىڭ عيماراتتارىنىڭ بىرىنە قاساقانا جانە اياۋسىز سوققى بەردى. بىرنەشە بەيبىت تۇرعىن، سونىڭ ىشىندە مەنىڭ ارىپتەستەرىم دە جارالاندى، - دەپ جازدى ول x جەلىسىندە.

زارداپ شەككەندەر اۋرۋحاناعا جەتكىزىلدى.

يرنا اقپارات اگەنتتىگىنىڭ حابارلاۋىنشا، يران زىمىراندارى تەل- اۆيۆ، حايفا جانە اشكەلونعا جەتكەن.

13 ماۋسىمعا قاراعان ءتۇنى يزرايل يراننىڭ يادرولىق باعدارلاماسىنا قارسى باعىتتالعان وپەراتسياسىن باستادى. ءبىر تاۋلىك وتپەي- اق يسلام رەسپۋبليكاسى جاۋاپ رەتىندە شابۋىل جاسادى. 14-ماۋسىم مەن 15 ىنە قاراعان ءتۇنى يزرايل مەن يران تاعى ءبىر- بىرىنە سوققى بەردى.