نەسيەگە 700، ليزينگكە 200 ميلليارد: بيىل اۋىل شارۋاشىلىعى قالاي قارجىلاندىرىلادى
استانا. KAZINFORM - ەلىمىز اۋىل شارۋاشىلىعى كاسىپكەرلەرىنە سۋبسيديا بەرۋ تاجىريبەسىنەن بىرتىندەپ جەڭىلدەتىلگەن نەسيە بەرۋ تاسىلىنە كوشىپ جاتىر. بىلتىرعى جوسپار بويىنشا، 2025 -جىلى بۇنداي ماقساتتا بولىنەتىن قارجى سوماسى 700 ميلليارد تەڭگە بولىپ بەلگىلەنگەن. قازىرگى ەكونوميكالىق جاعدايدا بۇل سوما وزگەرىسسىز قالا ما؟ جالپى، بيىل شارۋالار قانشا تەڭگە جەڭىلدەتىلگەن نەسيە الا الادى؟ اۋىل شارۋاشىلىعى تەحنيكاسى ليزينگىنە قانشا قارجى بولىنەدى؟ Kazinform اگەنتتىگى رەسمي ساۋالعا ق ر ا ش م جولداعان جاۋاپتار نەگىزىندە وسى تاقىرىپقا شولۋ ۇسىنادى.
نەسيەگە 700، ليزينگكە 200 ميلليارد: بيىل اۋىل شارۋاشىلىعى قالاي قارجىلاندىرىلادى
استانا. KAZINFORM - ەلىمىز اۋىل شارۋاشىلىعى كاسىپكەرلەرىنە سۋبسيديا بەرۋ تاجىريبەسىنەن بىرتىندەپ جەڭىلدەتىلگەن نەسيە بەرۋ تاسىلىنە كوشىپ جاتىر. بىلتىرعى جوسپار بويىنشا، 2025 -جىلى بۇنداي ماقساتتا بولىنەتىن قارجى سوماسى 700 ميلليارد تەڭگە بولىپ بەلگىلەنگەن. قازىرگى ەكونوميكالىق جاعدايدا بۇل سوما وزگەرىسسىز قالا ما؟ جالپى، بيىل شارۋالار قانشا تەڭگە جەڭىلدەتىلگەن نەسيە الا الادى؟ اۋىل شارۋاشىلىعى تەحنيكاسى ليزينگىنە قانشا قارجى بولىنەدى؟ Kazinform اگەنتتىگى رەسمي ساۋالعا ق ر ا ش م جولداعان جاۋاپتار نەگىزىندە وسى تاقىرىپقا شولۋ ۇسىنادى.
جەڭىلدەتىلگەن نەسيەگە 700 ميلليارد تەڭگە بولىنەدى
مەملەكەت باسشىسى 2024 -جىلعى قازاقستان حالقىنا جولداۋىندا اگروونەركاسىپ كەشەنىن تىكەلەي سۋبسيديالاۋ تاسىلىنەن جەڭىلدىكتى كرەديت بەرۋ تاسىلىنە بىرتىندەپ كوشۋدى تاپسىردى. بىلتىر سالانى جەڭىلدىكپەن قارجىلاندىرۋ كولەمى العاش رەت 580 ميلليارد تەڭگە بولدى. بۇل قاراجات ەگىنشىلەرگە تىكەلەي جەڭىلدەتىلگەن نەسيە بەرۋگە، پايىزدىق مولشەرلەمەنى تومەندەتۋگە، فورۆاردتىق ساتىپ الۋعا باعىتتالدى.
- 2024 -جىلى 5 پايىزبەن بەرىلگەن نەسيە شارۋالارعا قاجەتتى تاۋارلىق- ماتەريالدىق قۇندىلىقتاردى تولىق كولەمدە ساتىپ الۋعا، سونداي-اق اۋىل شارۋاشىلىعى تەحنيكاسىن ليزينگكە الۋعا مۇمكىندىك بەردى. ناتيجەسىندە قازاقستاندا جاسالعان 4300 اۋىل شارۋاشىلىعى تەحنيكاسىن ساتىپ الۋ قامتاماسىز ەتىلدى. جەڭىلدىكتى ليزينگ باعدارلاماسىنىڭ ارقاسىندا وتكەن جىلى اۋىل شارۋاشىلىعى تەحنيكاسى پاركىن جاڭارتۋ 5,5 پايىزعا جەتتى، - دەلىنگەن مالىمەتتە.
جالپى قارجىلاندىرۋ كولەمى دە بىلتىرعى بەلگىلەنگەن مەجەنى ساقتايتىنى بەلگىلى بولدى. بۇل ەل تاريحىنداعى اۋىل شارۋاشىلىعى كاسىپكەرلەرىنە جەڭىلدەتىلگەن نەسيە ءۇشىن بولىنگەن رەكوردتىق سوما ەكەنىن اتاپ وتكەن ءجون.
- بيىل جەڭىلدەتىلگەن كرەديت بەرۋ كولەمى - 700 ميلليارد تەڭگە. قاراجات 6 ءتۇرلى تاراتۋ ارنالارى ارقىلى دا قولجەتىمدى. وسىلايشا اگرارلىق نەسيە كورپوراتسياسىنا، سونداي-اق ەكىنشى دەڭگەيدەگى بانكتەرگە، ميكروقارجى ۇيىمدارىنا، وڭىرلىك ينۆەستيسيالىق ورتالىقتارعا، كرەديتتىك سەرىكتەستىكتەرگە، الەۋمەتتىك- كاسىپكەرلىك كورپوراتسيالارعا تىكەلەي كرەديت بەرىلەدى. مەملەكەت باسشىسىنىڭ تاپسىرماسىنا سايكەس ەلىمىزدىڭ بارلىق وڭىرىندە 2025 -جىلعى ەگىس ناۋقانىن قارجىلاندىرۋعا وتىنىمدەردى قابىلداۋ 29 قاراشادان باستالدى، - دەپ حابارلايدى ۆەدومستۆو.
بۇگىندە بۇل قارجىنىڭ جارتىسىنان استامى شارۋالارعا بەرىلىپ قويعان. كۇنى كەشە مينيستر ايداربەك ساپاروۆ ۇكىمەت وتىرىسىندا 6,1 مىڭ شارۋاعا 384,8 ميلليارد تەڭگە قارجى بەرىلگەنىن ايتقان ەدى.
نەسيەنى كەپىلدەندىرۋ كولەمى ۇلعايادى
وتكەن جىلى «كەپىلدىك بەرۋ باعدارلاماسى» ەنگىزىلىپ، كەپىل بازاسى جەتكىلىكسىز فەرمەرلەر ءۇشىن جەڭىلدىكتى كرەديت الۋ مۇمكىندىگى ارتتى. بيىل دا وسى باعىت بويىنشا جۇمىس كۇشەيتىلمەك.
- كەپىلدىك بەرۋ جالعاسادى، بيىل كوكتەمگى دالا جۇمىستارىنا (كدج) شامامەن 250 ميلليارد تەڭگە كرەديت بەرۋ جوسپارلانعان. وتكەن جىلى كوكتەمگى دالا جۇمىستارى مەن ەگىن جيناۋ جۇمىستارى كەزىندە «دامۋ» كاسىپكەرلىكتى دامىتۋ قورى» اق ارقىلى قارىزدارعا پورتفەلدىك كەپىلدىك بەرۋ تەتىگى ەنگىزىلدى، ول قارىز سوماسىنىڭ 85 پايىز كەپىلدىكپەن جابۋعا مۇمكىندىك بەرەدى. كەپىلدەندىرىلگەن قارىز شارتتارى شەڭبەرىندە 94,2 ميلليارد تەڭگە سوماسىنا كرەديتتىك قارىزدار بەرىلدى، 80,1 ميلليارد تەڭگە سوماسىنا 401 كەپىلدىك بەرىلدى، - دەلىنگەن حابارلامادا.
اۋىل شارۋاشىلىعى تەحنيكاسى ليزينگىنە 200 ميلليارد تەڭگە بولىنەدى
بىلتىرعى قورىتىندى دەرەك بويىنشا، قازاقستاندا 149,9 مىڭ تراكتور، 38,7 مىڭ كومباين، 5 مىڭ ەگىس كەشەنى، 76,4 مىڭ تۇقىم سەپكىش جانە 219 مىڭعا جۋىق توپىراق وڭدەيتىن جانە مامانداندىرىلعان تەحنيكا بار. سوڭعى 8 جىلدا اۋىل شارۋاشىلىعى تەحنيكاسىن جاڭارتۋ دەڭگەيى ەكى ەسەدەن استام وسكەن. الايدا جالپى كورسەتكىش كوڭىل كونشىتپەيدى: 2017 -جىلى - 1,9 پايىز، 2024 -جىلى - 5,5 پايىز.
2024 -جىلى 7 جىل مەرزىمگە جىلدىق 5 پايىزدىق مولشەرلەمەمەن 120 ميلليارد تەڭگەگە اۋقىمدى جەڭىلدىكتى ليزينگ باعدارلاماسى ىسكە قوسىلدى. ال سول جىلدىڭ 1-جەلتوقسانىنداعى جاعداي بويىنشا شارۋالار 212,9 ميلليارد تەڭگەگە 9887 تەحنيكانى ليزينگكە العان، بۇل - 2023 -جىلدىڭ سايكەس كەزەڭىمەن سالىستىرعاندا 50 پايىزعا ارتىق.
بيىل ليزينگكە بولىنەتىن قارجى بىلتىرعىدان 80 ميلليارد تەڭگەگە ارتىق.
- 200 ميلليارد تەڭگە سوماسىنا جەڭىلدىكتى ليزينگتى ۇيىمداستىرۋ وتاندىق ءوندىرىستىڭ 6 مىڭ اۋىل شارۋاشىلىعى تەحنيكاسىن ساتىپ الۋعا مۇمكىندىك بەرەدى. بۇگىنگى تاڭدا وتىنىمدەر پۋلى 120,1 ميلليارد تەڭگە سوماسىنا 3222 تەحنيكا، جالپى قۇنى 56,8 ميلليارد تەڭگە
بولاتىن 3340 اۋىل شارۋاشىلىعى تەحنيكاسى قارجىلاندىرىلدى، 17,1 ميلليارد تەڭگە سوماسىنا 763 ءوتىنىم ماقۇلداندى. قالعان وتىنىمدەر قاراۋ ساتىسىندا، - دەپ مالىمدەيدى مينيسترلىك.
«وڭدەۋشى كاسىپورىندارعا 48 ميلليارد تەڭگە»: باعدارلاما ازىرلەنىپ جاتىر
جەڭىلدىكتى ليزينگ باعدارلاماسى ەسەبىنەن 2024 -جىلى 35 ميلليارد تەڭگە وسىمدىك شارۋاشىلىعى ءونىمى مەن شيكىزاتىن وتكىزۋدى قامتاماسىز ەتۋگە باعىتتالعان. بۇل وتاندىق وڭدەۋ زاۋىتتارىنىڭ جۇكتەمەسىن ارتتىرۋعا كومەكتەستى. قازىرگى تاڭدا بۇل ماقساتتاعى جەڭىلدىكتى قارجىنى 48 ميلليارد تەڭگەگە جەتكىزۋ جوسپارلانىپ وتىر.
- قايتا وڭدەۋدى دامىتۋ شەڭبەرىندە جالپى سوماسى 48 ميلليارد تەڭگەگە وڭدەۋشى كاسىپورىنداردى جەڭىلدىكپەن قارجىلاندىرۋ جونىندەگى باعدارلامانى ىسكە اسىرۋ جالعاسىپ جاتىر. جىلدىق 5 پايىز مولشەرلەمە بويىنشا قارجىلاندىرۋ وتاندىق وڭدەۋشى زاۋىتتاردى اۋىل شارۋاشىلىعى شيكىزاتىن ساتىپ الۋ ماۋسىمىندا قاجەتتى قاراجاتپەن قامتاماسىز ەتە وتىرىپ، ولاردىڭ باسەكەگە قابىلەتتىلىگىن ارتتىرۋعا مۇمكىندىك بەرەدى. جالپى، بۇل شارالار فەرمەرلەردى اۋىل شارۋاشىلىعى سيكلىنىڭ بارلىق كەزەڭدەرىندە، دايىندىقتان باستاپ ەگىن جيناۋعا دەيىن قولداۋعا مۇمكىندىك بەرەدى، - دەپ مالىمدەيدى مينيسترلىكتەن.
مال شارۋاشىلىعىنا 51,5 ميلليارد تەڭگە جەڭىلدەتىلگەن نەسيە بەرىلمەك
مال شارۋاشىلىعى سالاسى دا قارجىلاندىرۋدان تىس قالمايدى. ەندى بۇل سالاعا دا 5 پايىزدىق نەسيە بولىنەدى، ءبىراق بۇرىنعىداي سۋبسيديا بەرۋ تاجىريبەسى توقتاتىلادى.
- بيىل مينيسترلىك «اگرارلىق نەسيە كورپوراتسياسى» ا ق- مەن بىرلەسىپ، وبليگاتسيالار بويىنشا كۋپوندىق سىياقىنى سۋبسيديالاۋ تەتىگى ەسەبىنەن فەرمەرلەرگە 5 پايىز مولشەرلەمە بويىنشا قولجەتىمدى بولاتىن 51,5 ميلليارد تەڭگە سوماسىندا جەڭىلدىكتى نەسيە بەرۋ باعدارلاماسىن ىسكە قوسۋ ماسەلەسىن پىسىقتاپ جاتىر. اتالىپ وتكەن بارلىق قارجىلاندىرۋ باعدارلامالارى سۋبسيديا بەرۋ قاجەتتىلىگىنسىز ىسكە اسىرىلادى جانە شارۋالاردى جىلدىق تازا 5 پايىزبەن تىكەلەي كرەديتتەۋدى كوزدەيدى، بۇل فەرمەرلىك قوعامداستىق ءۇشىن مەملەكەتتىك قولداۋدىڭ قولدانىستاعى تەتىكتەرىن ەداۋىر جەڭىلدەتەدى، - دەلىنگەن حابارلامادا.
جالپى، ا ش م بۇدان كەيىن ەلىمىزدە مال باسىنا سۋبسيديا بەرۋدى وتكىزىلگەن ەتتىڭ ءار كەلىسىنە اقشا تولەۋ تەتىگىمەن الماستىرماق. مينيستر ايداربەك ساپاروۆ بۇل وزگەرىس سالاداعى بارماق باستى، كوز قىستى سحەمالاردى جويۋ ءۇشىن قولعا الىنىپ وتىرعانىن ايتقان ەدى.
قاراجات 6 ءتۇرلى ارنامەن بەرىلەدى
2024 -جىلى قارجىلاندىرۋ كولەمى 580 ميلليارد تەڭگە بولعانىن ايتتىق. مينيسترلىك مالىمەتىنشە، «كەن دالا-1» ارقىلى 140 ميلليارد تەڭگە، «كەن دالا-2» ارقىلى 181,5 ميلليارد تەڭگە بەرىلسە، فورۆاردتىق ساتىپ الۋعا - 40 ميلليارد تەڭگە، «جەڭىلدەتىلگەن ليزينگ» باعدارلاماسىنا 120 ميلليارد تەڭگە بولىنگەن. 35 ميلليارد تەڭگە - قايتا وڭدەۋ كاسىپورىندارىن اينالىم قاراجاتىن تولىقتىرۋ ءۇشىن جەڭىلدەتىلگەن قارجىلاندىرۋ باعدارلاماسى ارقىلى، 63,5 ميلليارد تەڭگە - قارجىلاندىرۋدىڭ باسقا كوزدەرى ارقىلى بەرىلدى.
قاراجات 6 قارجىلاندىرۋ ارناسى ارقىلى ءبولىندى: «اگرارلىق نەسيە كورپوراتسياسى» ا ق، ەكىنشى دەڭگەيدەگى بانكتەر، ميكروقارجى ۇيىمدارى، وڭىرلىك ينۆەستيسيالىق ورتالىقتار، كرەديتتىك سەرىكتەستىكتەر، الەۋمەتتىك- كاسىپكەرلىك كورپوراتسيالار. ونىڭ ىشىندە:
تىكەلەي كرەديت بەرۋ، «ا ن ك» ا ق - 13 پايىز.
ەكىنشى دەڭگەيدەگى بانكتەر - 27 پايىز.
ميكروقارجى ۇيىمدارى - 3 پايىز.
وڭىرلىك ينۆەستيسيالىق ورتالىقتار - 3 پايىز.
كرەديتتىك سەرىكتەستىكتەر - 28 پايىز.
الەۋمەتتىك- كاسىپكەرلىك كورپوراتسيالار - 26 پايىز.
بيىلعا قاراستىرىلعان 700 ميلليارد تەڭگە جەڭىلدەتىلگەن كرەديت وسى 6 تاراتۋ ارناسى ارقىلى بەرىلەدى.
اۆتور
ەربول جانات