ۆەنەسۋەلا سوتى ارگەنتينا پرەزيدەنتىن قاماۋعا الۋعا وردەر بەردى
استانا. KAZINFORM - ۆەنەسۋەلا سوتى باس پروكۋراتۋرانىڭ قۇراما شتاتتاردىڭ بۋەنوس-ايرەستە ورنالاسقان Emtrasur ۇشاعىن تاركىلەۋ ءىسى بويىنشا ارگەنتينا پرەزيدەنتى حاۆەر ميلەيدى قاماۋعا الۋ وردەرىن بەرۋ تۋرالى ءوتىنىشىن قاناعاتتاندىردى، دەپ حابارلايدى ت ا س س اقپارات اگەنتتىگى.
«كاراكاستىڭ ءبىرىنشى دەڭگەيلى سوتى باس پروكۋراتۋرانىڭ ازامات حاۆەر ميلەيگە قاتىستى تەرگەۋ ءجۇرىپ جاتۋىنا بايلانىستى ونىڭ باس بوستاندىعىن شەكتەۋ جونىندەگى شارا قابىلداۋ جونىندەگى ۇسىنىمىن ماقۇلدادى»، - دەلىنگەن جوعارعى سوت جاريالاعان قاۋلىدا.
ۆەنەسۋەلانىڭ باس پروكۋرورى تارەك ۆيليام ساابتىڭ 18-قىركۇيەكتە حابارلاۋىنشا، ول ءوزى باسقاراتىن ۆەدومستۆو ميلەيدى، ونىڭ اپكەسى ءارى پرەزيدەنت كەڭسەسىنىڭ باس حاتشىسى كارينا ميلەيدى، سونداي-اق ارگەنتينا قاۋىپسىزدىك ءمينيسترى پاتريسيا بۋللريچتى قاماۋعا الۋعا وردەر سۇراتىپ جاتىر.
ۆەنەسۋەلا باس پروكۋرورىنىڭ ايتۋىنشا، ولار «اۋىرلاتاتىن ءمان-جايلارى بار ۇرلىق» ءۇشىن ايىپتالىپ وتىر. ارگەنتينا س ءى م ميلەيگە قاتىستى تەرگەۋدى نەگىزسىز دەپ اتادى، ويتكەنى ۇشاقتى ا ق ش- قا بەرۋ تۋرالى شەشىمدى ارگەنتينا سوتى قابىلداعان.
2022-جىلدىڭ ماۋسىمىندا سوت 5 يران ازاماتى مەن 14 ۆەنەسۋەلا ازاماتى وتىرعان Emtrasur ۇشاعى ەكيپاجىنا ەلدەن شىعۋعا تىيىم سالۋىنا بايلانىستى بۋەنوس-ايرەستەن ۇشا المادى. شەكتەۋ شاراسى ولاردىڭ لاڭكەستەرمەن بايلانىسىن تەكسەرۋ ءۇشىن جاسالدى. ولاردىڭ بارلىعى كەيىننەن بوساتىلدى.
اۋە كەمەسى مەن ەكيپاج ۇستالعاننان كەيىن ا ق ش- تىڭ ادىلەت مينيسترلىگى ارگەنتينا بيلىگىنەن ا ق ش سانكسيالارىنىڭ استىنداعى يراندىق Mahan Air اۋە كومپانياسىنان الىنعان Emtrasur ۇشاعىن تاركىلەۋدى سۇرادى. قاڭتار ايىنىڭ باسىندا ارگەنتينا سوتى امەريكالىق ءادىل سوتتىڭ ۇشاقتى بەرۋ تۋرالى ءوتىنىشىن قاناعاتتاندىرىپ، 12-اقپاندا ول كەيىننەن پايدالانۋ ءۇشىن فلوريداعا جەتكىزىلدى.
بۇعان دەيىن دومينيكان رەسپۋبليكاسىندا ۆەنەسۋەلا پرەزيدەنتى نيكولاس مادۋرو پايدالانعان Dassault Falcon 900EX ۇشاعى تاركىلەنگەنى حابارلانعان بولاتىن.