ەنەرگەتيكا ءمينيسترى رەفەرەندۋمدا داۋىس بەردى

استانا. KAZIFORM - ق ر ەنەرگەتيكا ءمينيسترى الماسادام ساتقاليەۆ ا ە س سالۋ ماسەلەسى بويىنشا جالپىۇلتتىق رەفەرەندۋمدا ەلورداداعى Smart بيزنەس-ورتالىعىندا ورنالاسقان №230-ۋچاسكەدە داۋىس بەردى.

ەسكە سالايىق، بۇگىن قازاقستاندىقتار اتوم ەلەكتر ستانتسياسىن سالۋ ماسەلەسى بويىنشا جالپىۇلتتىق رەفەرەندۋمدا داۋىس بەرەدى.

ورتالىق رەفەرەندۋم كوميسسياسى ءتوراعاسىنىڭ ورىنباسارى كونستانتين پەتروۆ ەلدىڭ بارلىق وڭىرىندە قازاقستاندا اتوم ەلەكتر ستانتسياسىن سالۋ ماسەلەسى بويىنشا جالپىۇلتتىق رەفەرەندۋم باستالعانىن رەسمي ءمالىم ەتتى.

فوتو: ايجان سەرىكجان قىزى

بۇعان دەيىن حابارلانعانىنداي، پرەمەر- مينيستر ولجاس بەكتەنوۆ استانا قالاسىنداعى وقۋشىلار سارايىندا ورنالاسقان №61 ۋچاسكەدە داۋىس بەردى.

1-شىلدەدەگى جاعداي بويىنشا ەل كولەمىندە 12176968 ادام رەفەرەندۋمدا داۋىس بەرۋگە حاقىلى.

اۆتور
ايجان سەرىكجان قىزى