استانا. KAZINFORM - تۇركيانىڭ كودجاەلي قالاسىندا ءوتىپ جاتقان ەركىن كۇرەستەن ياشار دوگۋ، ۆەحبي ەمرە جانە حاميت كاپلان اتىنداعى حالىقارالىق تۋرنيردە قازاقستاندىق 3 سپورتشى جۇلدە الدى، دەپ حابارلايدى ق ر ت س م سپورت كوميتەتى.
تۇعىر ساتىسىنا كوتەرىلگەندەر:
1.نۇرقوجا قايپانوۆ (-74 ك گ) 1-ورىن
2.ازامات داۋلەتبەكوۆ (-86 ك گ) 2-ورىن
3.ريزابەك ايتمۇحان (-97 ك گ) 1-ورىن
نۇرقوجا فينالدا رامازان رامازانوۆتان (بولگاريا)، ريزابەك احمەد ماگومايەۆتان (بولگاريا) باسىم ءتۇستى. ال ازامات داۋلەتبەكوۆ اقتىق سىندا ءالي تسوكايەۆقا (ءازىربايجان) ەسە جىبەردى.
ايتا كەتەيىك، ياشار دوگۋ، ۆەحبي ەمرە جانە حاميت كاپلاندى ەسكە الۋعا ارنالعان حالىقارالىق تۋرنير بۇگىن اياقتالادى. شەشۋشى جارىس كۇنى ەركىن كۇرەس شەبەرلەرى قالعان سالماقتا كىم مىقتىنى انىقتايدى.
وسىعان دەيىن اننا دانيلينانىڭ ۇلىبريتانياداعى جارىستا توپ جارعانى تۋرالى جازدىق.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.