نۇرلان ساۋرانبايەۆ كولىك ءمينيسترى بولىپ تاعايىندالدى

استانا. KAZINFORM - مەملەكەت باسشىسىنىڭ جارلىعىمەن نۇرلان ساۋرانبايەۆ كولىك ءمينيسترى لاۋازىمىنا تاعايىندالدى. بۇل تۋرالى اقوردانىڭ باسپا ءسوز قىزمەتى حابارلادى.

- مەملەكەت باسشىسىنىڭ جارلىعىمەن نۇرلان ەرمەك ۇلى ساۋرانبايەۆ قازاقستان رەسپۋبليكاسىنىڭ كولىك ءمينيسترى لاۋازىمىنا تاعايىندالدى، - دەلىنگەن حابارلامادا.

نۇرلان ساۋرانبايەۆ 1967-جىلى جامبىل قالاسىندا تۋعان. س. م. كيروۆ اتىنداعى قازاق مەملەكەتتىك ۋنيۆەرسيتەتىن، مۇناي ونەركاسىبىن وقىتۋ ورتالىعىن (يتاليا) بىتىرگەن. ماماندىعى بويىنشا ەكونوميست، مۇناي اكىمشىلەندىرۋ ماگيسترى.

ەڭبەك جولىن 1991 -جىلى جەكە كوممەرتسيالىق كومپانيانىڭ باسشىسى بولىپ باستاعان، وندا 1997 -جىلعا دەيىن جۇمىس ىستەدى.

1997-1998 ج ج. - ق ر كاسىپكەرلەر كونگرەسىنىڭ اتقارۋشى ديرەكتورى.

1998-2000 ج ج. - «قازاقستان تەمىر جولى» ر م ك دەپارتامەنتىنىڭ ديرەكتورى.

2000-2002 ج ج. - «قازاقويل» ۇ م ك» ج ا ق «اتىراۋ مۇناي وڭدەۋ زاۋىتى» ا ا ق- نىڭ ءبىرىنشى ۆيتسە-پرەزيدەنتى؛ باس مەنەدجەرى، قايتا قۇرۋ جوباسىن باسقارۋ توبىنىڭ جەتەكشىسى.

2002-2004 ج ج. - «قازمۇنايگاز» ۇ ك» ج ا ق ينجينيرينگتىك جانە سەرۆيستىك جوبالار دەپارتامەنتىنىڭ ديرەكتورى.

2004-2007 ج ج. - «تەڭىزسەرۆيس» ج ش س باس ديرەكتورى.

2007-2020 ج ج. - «قازمۇنايگاز» ۇ ك» ا ق باسقارۋشى ديرەكتورى.

2010-2011 ج ج. - «سامۇرىق- قازىنا» ۇ ا ق» ا ق باسقارما ءتوراعاسى ورىنباسارىنىڭ كەڭەسشىسى؛ باسقارۋشى ديرەكتورى.

2011-2014 ج ج. - يندۋستريا جانە جاڭا تەحنولوگيالار ۆيتسە-ءمينيسترى.

2014-2016 ج ج. - قورعانىس ءمينيسترىنىڭ ورىنباسارى.

2016-2017 ج ج. - ەكسپو-2017 حالىقارالىق مامانداندىرىلعان كورمەسىن دايىنداۋ جانە وتكىزۋ ماسەلەلەرى جونىندەگى شتابتىڭ ۇيىمداستىرۋ كوميتەتىنىڭ باسشىسى.

2017-2018 ج ج. - شىمكەنت قالاسىنىڭ اكىمى.

2019 -جىلدان باستاپ پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق- ۇيىمداستىرۋ جۇمىسى ءبولىمىنىڭ مەڭگەرۋشىسى بولدى.

2021 -جىلى «قازاقستان تەمىر جولى» ۇ ك» ا ق باسقارما ءتوراعاسى بولىپ تاعايىندالادى.

ايتا كەتەيىك، رۋسلان جاقسىلىقوۆ قاۋىپسىزدىك كەڭەسى حاتشىسىنىڭ ءبىرىنشى ورىنباسارى بولدى.