نۇرلان نوعايەۆ جاڭا قىزمەتكە تاعايىندالدى
استانا. KAZINFORM - نۇرلان نوعايەۆ جاڭا قىزمەتكە تاعايىندالدى.
مەملەكەت باسشىسىنىڭ جارلىعىمەن نۇرلان اسقار ۇلى نوعايەۆ قازاقستان رەسپۋبليكاسىنىڭ تۇرىكمەنستانداعى توتەنشە جانە وكىلەتتى ەلشىسى لاۋازىمىنا تاعايىندالدى.
بۇل قىزمەتتى اتقارعان اسقار تاجىبايەۆ مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ تۇرىكمەنستانداعى توتەنشە جانە وكىلەتتى ەلشىسى لاۋازىمىنان بوساتىلدى.
بۇعان دەيىن نۇرلان نوعايەۆ ماڭعىستاۋ وبلىسىنىڭ اكىمى قىزمەتىن اتقارعان.
نۇرلان نوعايەۆ 1967-جىلى تۋعان. ءبىلىمى جوعارى، ي. گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن، قازاق مەملەكەتتىك باسقارۋ اكادەمياسىن، رەسەي سىرتقى ىستەر مينيسترلىگى جانىنداعى «حالىقارالىق قاتىناستار ۋنيۆەرسيتەتى» ماسكەۋ مەملەكەتتىك ينستيتۋتىن تاۋ-كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان.
ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستاعان.
1993-1995-جىلدارى - ماسكەۋ قالاسىنداعى «گيلي-پاسكەر» ج ش س- دە مۇناي ونىمدەرى جونىندەگى اعا ساراپشى، ءبولىم باستىعى، باس ديرەكتور.
1995-1996-جىلدارى - الماتى قالاسىنداعى «وترار ل ت د» شاعىن كاسىپورنى باس ديرەكتورىنىڭ ورىنباسارى.
1996-2006-جىلدارى - «قازاق تۇرىك مۇناي» ج ش س- دە ينجەنەر، باس ديرەكتور.
2006-جىلدىڭ اقپانىنان تامىزىنا دەيىن - «قازمۇنايگاز ۇلتتىق كومپانياسى» ا ق- نىڭ اتقارۋشى ديرەكتورى.
2006-جىلدىڭ تامىزىنان ق ر ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى بولىپ ىستەگەن.
2007-جىلدىڭ قىركۇيەگىنەن 2010-جىلدىڭ ساۋىرىنە دەيىن - باتىس قازاقستان وبلىسى اكىمىنىڭ ورىنباسارى.
2010-جىلدىڭ ساۋىرىنەن 2012-جىلدىڭ قاڭتارىنا دەيىن - وبلىس اكىمىنىڭ ءبىرىنشى ورىنباسارى.
2012-جىلدىڭ 20-قاڭتارىندا مەملەكەت باسشىسىنىڭ جارلىعىمەن باتىس قازاقستان وبلىسىنىڭ اكىمى بولىپ تاعايىندالدى. 2010-جىلى «قۇرمەت وردەنىمەن ماراپاتتالعان. 2016-جىلدىڭ 26-ناۋرىزىنان اتىراۋ وبلىسىنىڭ اكىمى بولدى.