گەننادي گولوۆكين نازىم قىزايبايدى قولا جۇلدەسىمەن قۇتتىقتادى
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا ايەلدەر بوكسىنان قولا جۇلدەگەر اتانعان نازىم قىزايبايدى ق ر ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين قۇتتىقتادى.
«نازىمدى وليمپيادا ويىندارىنىڭ قولا مەدالىمەن قۇتتىقتايمىن! نازىم ۇزاق جىلدار بويى ەلىمىزدەگى ايەلدەر بوكسىنىڭ جارقىن وكىلى ءارى كوماندانىڭ كوشباسشىسى بولىپ كەلەدى. ءوزىنىڭ العاشقى وليمپياداسىنا قاتىسقانىنا قاراماستان، ول الەمدەگى ەڭ مىقتى سپورتشىلاردىڭ قاتارىنان ەكەنىن تاعى ءبىر دالەلدەدى. ءسىزدىڭ بۇل جەتىستىگىڭىز كوپتەگەن جاس اتلەتكە جىگەر سىيلاپ، ەڭبەك پەن ءتوزىمنىڭ اقتالاتىنىنا شىنايى ۇلگى بولسىن دەپ تىلەيمىن. قازاقستان ۇلتتىق وليمپيادالىق كوميتەتىنىڭ اتىنان نازىم مەن ونىڭ باپكەرى دولكۋنجان كامەكوۆتى جانە بارشا قازاقستاندىقتاردى وليمپيادا مەدالىمەن قۇتتىقتايمىن!»، - دەدى گەننادي گولوۆكين.
ەستەرىڭىزگە سالا كەتەيىك، بۇگىن نازىم قىزايباي ەل قورجىنىنا وليمپيادانىڭ ءۇشىنشى قولا جۇلدەسىن سىيلادى.
اۆتور
كۇنسۇلتان وتارباي