نەمەرەمدى بالاباقشاعا بەرۋگە قورقام - ەدىل جاڭبىرشين
استانا. KAZINFORM - ءماجىلىس دەپۋتاتى ەدىل جاڭبىرشين زاڭناماعا ءبىلىم بەرۋ جانە بالانىڭ قۇقىقتارىن قورعاۋ ماسەلەلەرى بويىنشا وزگەرىستەر ەنگىزۋگە ارنالعان زاڭ جوباسىن تالقىلاۋ بارىسىندا بالاباقشالاردى ليتسەنزيا ارقىلى باقىلاۋ تەتىگىن تەزىرەك ەنگىزۋدى ۇسىندى.
«مينيستر مىرزا، مۇنى كوپكە سوزۋعا بولمايدى. ليتسەنزيانى كىرگىزۋ كەرەك جانە ءبىز مىنا كاسىپكەرلىك كودەكستى الىپ تاستاۋىمىز كەرەك. بالاعا ءبىلىم بەرەتىن، تاربيە بەرەتىن نىسانداردىڭ ءبارىن پروكۋراتۋراسىز بارىپ تەكسەرۋىمىز كەرەك. مەن ءوزى نەمەرەمدى ونداي جەرۋگە بەرۋدەن قورقام. سەبەبى ول ونداي جەردەن قانداي ادام بولىپ شىعۋى مۇمكىن؟ ول جەرگە قانداي ادام كىرىپ، جۇمىس ىستەپ جاتىر؟ بىلمەيمىن عوي، ونىڭ باسىن قالاي ۋلاپ جاتقانىن»، - دەدى دەپۋتات.
ەدىل جاڭبىرشين مينيسترگە بۇل ماسەلە بويىنشا كومەكتەسۋگە ءازىر ەكەنىن ايتتى.
«سوندىقتان ەشكىمنەن دە قورىقپاۋ كەرەك. ەگەر سىزگە دەپۋتاتتار تاراپىنان قولداۋ كەرەك بولسا، كومەك كەرەك بولسا، ءبىز دايىنبىز. جەكەمەنشىك بالاباقشالار شۋلايدى دەپ ءبىز ليتسەنزيانى كىرگىزبەۋىمىز كەرەك پە؟ ولار كىم سونشا؟ مەملەكەتتىڭ بارلىق مۇددەسىن ۇستاپ وتىرعان كاسىپكەرلەر مە؟ ولاي ەمەس. مينيسترلىك مەملەكەتتىك ساياساتتى جۇرگىزۋ كەرەك»، - دەدى ول.
اۆتور
ەسىمجان ناقتىباي