نەلىكتەن قازاقستان كورشى ەلدەرمەن سۋ ماسەلەسىن شەشە الماي وتىر

استانا. KAZINFORM - قازاقستاننىڭ كورشى ەلدەرمەن سۋ ءبولۋ، جىبەرۋ ماسەلەسىن رەتتەيتىن ورتاق كەلىسىمى بار. بۇل تۋرالى سۋ رەسۋرستارى جانە يرريگاتسيا مينيسترلىگى سۋ رەسۋرستارىن پايدالانۋدى رەتتەۋ دەپارتامەنتىنىڭ باسشىسى ساكەن اتەل ءمالىم ەتتى.

ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا «نەلىكتەن قازاقستان قىتاي، وزبەكستان ەلدەرىمەن سۋدى ءادىل ءبولۋ تۋرالى كەلىسىمگە كەلە الماي وتىر؟ مينيسترلىك جاعدايدى قالاي باقىلايدى؟» - دەگەن ساۋال قويىلدى.

- بىزدە كورشىلەس وزبەكستان، تاجىكستان جانە قىرعىزستان ەلدەرىمەن كەلىسىم بار. مىسالى، سىرداريا وزەنىنە كەلەتىن بولساق، جىلىنا كەمىندە ەكى رەت سۋ ۇلەستىرۋ كوميسسياسىنىڭ وتىرىسى وتەدى. ۆەگەتاتسيا كەزەڭىندە جانە ۆەگەتاتسياارالىق كەزەڭدە رەجيم بەكىتىلەدى. ونىڭ ىشىندە شاردارا سۋ قويماسىنا كەلەتىن سۋدىڭ كولەمى دە بەكىتىلەدى. ايتاتىن بولسام، 5-ساۋىردە كەزەكتى وتىرىستىڭ قورىتىندىسىنا سايكەس، سىرداريا سۋ قويماسىنا سۋ جىبەرۋ كولەمى 3,7 ميلليارد تەكشە مەتر بولىپ بەكىتىلگەن، - دەگەن جاۋاپ قاتتى ساكەن اتەل.