ءارتۇرلى جاعدايلاردا ۋاقىتتىڭ جىلدامدىعى باسقاشا سەزىلەتىنى بارشاعا تانىس قۇبىلىس. مىسالى، بەيتانىس جەردە ۋاقىت باياۋ وتەتىندەي كورىنەدى - شەتەلدە وتكەن ءبىر اپتا ۇيدەگى ءبىر اپتادان ۇزاعىراق سەزىلەدى. سول سياقتى، ۋاقىت اۋىرسىنۋ نەمەسە زەرىگۋ كەزىندە سوزىلىپ، ال مۋزىكا تىڭداعاندا، شاحمات ويناعاندا، سۋرەت سالعاندا نەمەسە بيلەگەندە جىلدام ءوتىپ كەتەتىندەي بولادى.
زەرتتەۋشىلەر ۋاقىتتىڭ بۇلاي وزگەرۋىنىڭ سەبەپتەرىن تۇسىندىرۋگە تىرىسۋدا. ولاردىڭ پىكىرىنشە، بۇل قۇبىلىس ميدىڭ اقپاراتتى وڭدەۋ جىلدامدىعىمەن بايلانىستى. نەعۇرلىم كوپ اقپارات - سەزىمدەر، ويلار، قابىلداۋلار - وڭدەلسە، ۋاقىت سوعۇرلىم باياۋ وتەتىندەي سەزىلەدى. بالالار ءۇشىن ۋاقىتتىڭ باياۋ ءوتۋىنىڭ سەبەبى - ولاردىڭ الەمدى ءالى دە جاڭا ءارى تاڭسىق كۇيىندە قابىلداۋىندا.
سونىمەن قاتار، ادامنىڭ قورشاعان ورتامەن بايلانىسى كۇشەيگەن كەزدە ۋاقىت ۇزارادى. سانانىڭ وزگەرگەن كۇيىندە ءبىز ءوزىمىزدى الەمنەن بولەك سەزىنۋدى دوعارىپ، قورشاعان ورتامەن ءبىرتۇتاس بولىپ كەتەمىز. وسىلايشا، ۋاقىتتىڭ اعىمى دا باسقاشا قابىلدانادى، ءبىز ادەتتەگى سانامىزدىڭ شەڭبەرىنەن شىعىپ، مۇلدە باسقا ۋاقىت ولشەمىنە ەنەمىز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан