Nissan مەن Honda بىرىگەتىن بولدى
استانا. قازاقپارات - Honda Motor جانە Nissan Motor كومپانيالارى 2026 -جىلى بىرلەسكەن كاسىپورىن بولاتىنى تۋرالى باسپا ءسوز- رەليز تاراتتى.
كەيىن وسى جاڭالىققا بايلانىستى بىرلەسكەن باسپا ءسوز كونفەرەنسياسىن دا وتكىزدى. قول ويىلعان كەلىسىمدە ەكى كاسىپورىن بيزنەستەرىن ينتەگراتسيالايتىنى ايتىلعان. دەگەنمەن تۇپكىلىكتى كەلىسىم 2025 -جىلدىڭ ماۋسىم ايىندا بەكىتىلمەك. 2026 -جىلدىڭ ساۋىرىندە قوس كومپانيانىڭ نەگىزگى اكسيونەرلەر باس قوسىپ، بىرىگۋ ماسەلەسىن ماقۇلدايدى. ال بىرىگۋ پروتسەدۋراسى 2026 -جىلدىڭ تامىزىندا اياقتالۋ كەرەك.
وسى ارقىلى قوس كاسىپورىن جىلىنا 7.5 ميلليون كولىك شىعارىپ، 20 ميلليارد دوللار پايدا تاباتىن الەمدەگى ءۇشىنشى ورىنداعى اۆتووندىرۋشىگە اينالۋدى كوزدەپ وتىر.
جاپوندىق Honda اۆتوكولىك كومپانياسى قىتايداعى ءۇش زاۋىتىن ۋاقىتشا جاپقانىن جازعان بولاتىنبىز.
ەسىمجان ناقتىباي
اۆتور