ەندى قازاقستاندىقتار نەسيە الۋعا وزدەرىنە شەكتەۋ قويا الادى

استانا. قازاقپارات - قازاقستاندىقتار بانكتىك قارىزداردى الۋدان شەكسىز مەرزىمگە باس تارتا الادى. ونى eGov.kz پورتالىنىڭ كومەگىمەن جاساۋعا بولادى.

ەندى ق ر ازاماتتارى eGov.kz پورتالىنداعى كورسەتىلەتىن قىزمەتتىڭ كومەگىمەن بانكتىك قارىزدار مەن ميكروكرەديتتەردى الۋدان شەكسىز ۋاقىتقا ءوز ەركىمەن باس تارتا الادى.

سەرۆيستى پايدالانۋعا تەك ازاماتتىڭ ءوزى عانا ءوتىنىم بەرە الادى. كرەديتتەر مەن شاعىن قارىزداردى راسىمدەۋگە تىيىم سالۋ مەرزىمسىز ۋاقىتقا قويىلادى. سونداي-اق پايدالانۋشى كەز كەلگەن ۋاقىتتا نەسيەلەر مەن قارىزداردى الۋعا بەلگىلەنگەن شەكتەۋلەردى الىپ تاستاي الادى. ول ءۇشىن eGov.kz پورتالىندا قىزمەت كورسەتۋدى مەرزىمىنەن بۇرىن توقتاتۋعا ءوتىنىم بەرۋ قاجەت.

قىزمەتتى الۋ ءۇشىن:

eGov.kz پورتالىندا اۆتوريزاتسيادان ءوتىپ، «كەدەن جانە سالىقتار» بولىمىنە ءوتىڭىز؛

تىزىمنەن «ەكونوميكا جانە قارجى» ءبولىمىن تاڭداپ، «بانكتىك نەسيەلەردى، ميكروكرەديتتەردى الۋدان ەرىكتى باس تارتۋ» قىزمەتىن تاڭداڭىز؛

قاجەتتى جولداردى تولتىرىپ، ەتسق كومەگىمەن وتىنىمگە قول قويىڭىز؛

كورسەتىلەتىن قىزمەت ناتيجەسىمەن جەكە كابينەتتە تانىسۋعا بولادى.

بۇرىن بەلگىلەنگەن شەكتەۋلەردى الىپ تاستاۋ ءۇشىن پايدالانۋشى:

«بانكتىك نەسيەلەردى، ميكروكرەديتتەردى الۋدان ەرىكتى باس تارتۋ» قىزمەتىن تاڭداڭىز؛

«جازىلۋدان باس تارتقىڭىز كەلە مە؟ «دەگەن سۇراققا «ءيا» دەپ جاۋاپ بەرىڭىز جانە قول قويۋدىڭ قولجەتىمدى ادىستەرىنىڭ بىرىمەن وتىنىمگە قول قويىڭىز.

سەرۆيس جەكە تۇلعانىڭ بانكتىك قارىزدار مەن ميكروكرەديتتەر الۋدان ەرىكتى تۇردە باس تارتۋدى جويۋ قۇقىعىن بەكىتۋدى كوزدەيتىن زاڭنامالىق اكتىلەرگە تۇزەتۋلەر شەڭبەرىندە ىسكە اسىرىلعانىن اتاپ وتەمىز. سەرۆيس ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى، «ءبىرىنشى كرەديتتىك بيۋرو» ج ش س جانە «ۇلتتىق اقپاراتتىق تەحنولوگيالار» ا ق جۇمىسىنىڭ اياسىندا قولجەتىمدى بولدى.