استانا. قازاقپارات - eGov Mobile قولدانۋشىلارى ەندى ءوز اۆتوكولىكتەرى تۋرالى اقپاراتتى ح ق و (سون) بولىمشەلەرىنە بارماي-اق تەكسەرە الادى.
جاڭا قىزمەت ارقىلى قازاقستاندا اۆتوكولىكتىڭ تىركەلگەن كۇنىن، كەپىل نەمەسە شەكتەۋلەردىڭ بار-جوعىن، سونداي-اق بۇرىنعى يەلەرىنىڭ سانىن بىلۋگە بولادى.
بۇل قىزمەتتى پايدالانۋ ءۇشىن eGov Mobile قوسىمشاسىن اشىپ، «قىزمەتتەر» بولىمىنە ءوتۋ كەرەك، ودان كەيىن «جۇرگىزۋ جانە كولىك» جانە «اۆتوكولىك يەلەنۋ تاريحى» ءبولىمىن تاڭداۋ قاجەت.
بۇرىن مۇنداي اقپاراتتى تەك ح ق و بولىمشەلەرىندە عانا الۋعا بولاتىن، بۇل اۆتوكولىك يەلەرى ءۇشىن قوسىمشا قولايسىزدىقتار تۋعىزاتىن ەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.