نازگۇل ماراتوۆا Grand Slam تۋرنيرىنىڭ قولا جۇلدەسىن جەڭىپ الدى
07:35, 14 - قازان 2024
استانا. KAZINFORM - قازاقستاندىق دزيۋدوشى نازگۇل ماراتوۆا ءابۋ-دابيدە (ب ا ءا) Grand Slam تۋرنيرىنىڭ قولا جۇلدەگەرى اتاندى.
نازگۇل 100 كەلىدەن جوعارى سالماقتا رەسەيلىك اناستاسيا حولوديلينامەن تاتاميگە شىقتى.
گولدەن سكوردا رەسەيلىك دزيۋدوشى ءۇشىنشى ەسكەرتۋىن الىپ، جەڭىس نازگۇلگە بەرىلدى.
تاعى ءبىر قازاقستاندىق كارينا تاكيەۆا وسى اۋىر سالماقتا حورۆاتيالىق حەلەنا ۆۋكوۆيچپەن بەلدەستى.
تارتىستى جەكپە-جەك گولدەن سكوردا جالعاسىپ، كارينا شيدو سانىمەن جەڭىلىس تاپتى.
وسىلايشا، قازاقستان قۇراماسى ءابۋ-دابيدە ءۇش قولا جۇلدەنى جەڭىپ الدى.
ەسكە سالا كەتەيىك، بۇدان بۇرىن ءابيبا ءابۋجاقىنوۆانىڭ Grand Slam تۋرنيرىنىڭ قولا جۇلدەگەرى اتانعانىن جازعان بولاتىنبىز.
سونداي-اق داۋرەن سۇيۋكەنوۆ قازاقستان قورجىنىنا ەكىنشى قولا جۇلدەنى سالدى.
اۆتور
عايساعالي سەيتاق