استانا. KAZINFORM — وقۋ-اعارتۋ ءمينيسترى نازاربايەۆ زياتكەرلىك مەكتەپتەرىندە دارىندى بالالاردىڭ وقۋ اقىسىن تولەۋگە ارنالعان ق ر پرەزيدەنتىنىڭ «وركەن» ءبىلىم گرانتىن تاعايىنداۋ قاعيدالارى مەن مولشەرىن وزگەرتۋ تۋرالى بۇيرىققا قول قويدى.
ەرەجەنىڭ جاڭا رەداكسياسىندا ءبىر وقۋشىعا بيۋدجەتتەن بولىنەتىن گرانتتىڭ مولشەرى وزگەرتىلگەن.
سونىمەن گرانتى قۇنىن مىنانداي مولشەردە بەلگىلەنىپ وتىر:
- جاتاقحانادا تۇرۋ قۇنىن ەسەپتەمەگەندەگى جىلدىق وقۋ قۇنى - 2190080 تەڭگە؛
- جاتاقحانادا تۇرۋ قۇنىن ەسەپتەگەندەگى جىلدىق وقۋ قۇنى - 3053940 تەڭگە.
بۇعان دەيىن گرانت قۇنى سايكەسىنشە 2349191 تەڭگە جانە 3247305 تەڭگە بولعان ەدى.
بىلتىر كۇزدە وقۋ-اعارتۋ ءمينيسترى عاني بەيسەمبايەۆ نازاربايەۆ زياتكەرلىك مەكتەپتەرىنە بولىنەتىن قاراجات ازايعانىن مالىمدەگەن ەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.