نازاربايەۆ ۋنيۆەرسيتەتىندە ستۋدەنت قىز قايتىس بولدى

استانا. KAZINFORM - نازاربايەۆ ۋنيۆەرسيتەتىندە ستۋدەنت قىزدىڭ قازا تاپقانىنا بايلانىستى ۋنيۆەرسيتەت اكىمشىلىگى رەسمي مالىمدەمە جاسادى.

- نازاربايەۆ ۋنيۆەرسيتەتى جاتاقحانالارىنىڭ بىرىندە بولعان قايعىلى وقيعاعا بايلانىستى مارقۇمنىڭ تۋىستارى مەن جاقىندارىنا كوڭىل ايتامىز. ۋنيۆەرسيتەت ۇجىمى وتباسىنا مورالدىق جانە ماتەريالدىق قولداۋ كورسەتىپ جاتىر، - دەلىنگەن وقۋ ورنىنىڭ باسپا ءسوز قىزمەتى تاراتقان حابارلامادا.

ۋنيۆەرسيتەت مالىمەتىنشە، قازىرگى ۋاقىتتا وقيعا بويىنشا قۇزىرلى ورگاندار تەرگەۋ جۇرگىزىپ جاتىر. وقيعا ورنىنا قۇقىق قورعاۋ ورگاندارىنىڭ قىزمەتكەرلەرى مەن پسيحولوگتەر تارتىلعان.

- بارلىق قاجەتتى شارالار قولعا الىندى. ۋنيۆەرسيتەت اكىمشىلىگى جاعدايدى ەرەكشە باقىلاۋعا الدى، - دەلىنگەن حابارلامادا.

سونداي-اق ۋنيۆەرسيتەت پەن مارقۇمنىڭ تۋىستارى جالعان نەمەسە راستالماعان اقپارات تاراتپاۋعا شاقىرادى. جاقىندارى بۇل قايعىلى جاعدايدى بۇقارالىق اقپارات قۇرالدارىندا، الەۋمەتتىك جەلىلەردە جانە مەسسەندجەرلىك توپتاردا جاريالاماۋدى سۇراپ وتىر.

بۇعان دەيىن تۇركىستان وبلىسىندا كوللەدج ستۋدەنتىن ءولتىرۋ كۇدىگىمەن شەتەل ازاماتى ۇستالعانىن جازعانبىز.

اۆتور

تاستان تويانوۆ