نايزاعاي ويناپ، كۇن رايى بۇزىلادى: 5-قىركۇيەككە ارنالعان اۋا رايى بولجامى

استانا. KAZINFORM - «قازگيدرومەت» ر م ك 5-قىركۇيەكتە ەلىمىزدىڭ ءبىرقاتار وڭىرىندە اۋا رايىنا بايلانىستى داۋىلدى ەسكەرتۋ جاريالادى.

سينوپتيكتەردىڭ بولجامى بويىنشا، كۇندىز اتىراۋ وبلىسىنىڭ سولتۇستىگىندە، وڭتۇستىگىندە، شىعىسىندا شاڭدى داۋىل تۇرادى. كۇندىز وبلىستىڭ سولتۇستىگىندە، وڭتۇستىگىندە، شىعىسىندا سولتۇستىك- شىعىستان، شىعىستان سوققان جەلدىڭ ەكپىنى 15-20 م/س بولادى. وبلىستىڭ باسىم بولىگىندە توتەنشە ءورت قاۋپى ساقتالادى. اتىراۋ قالاسىندا كۇندىز شاڭدى داۋىل تۇرادى. كۇندىز سولتۇستىك- شىعىستان، شىعىستان سوققان جەلدىڭ ەكپىنى - 15-18 م/س. توتەنشە ءورت قاۋپى ساقتالادى.

ۇلىتاۋ وبلىسىنىڭ سولتۇستىگىندە، شىعىسىندا نايزاعاي ويناپ، كۇن رايى بۇزىلادى. تۇندە جانە تاڭەرتەڭ وبلىستىڭ شىعىسىندا تۇمان بولادى. وبلىستىڭ باسىم بولىگىندە جوعارى ءورت قاۋپى، وبلىستىڭ وڭتۇستىگىندە توتەنشە ءورت قاۋپى ساقتالادى. جەزقازعاندا جوعارى ءورت قاۋپى بار.

قاراعاندى وبلىسىنىڭ سولتۇستىگىندە، شىعىسىندا، باتىسىندا نايزاعاي ويناپ، كۇن رايى بۇزىلادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە، شىعىسىندا تۇمان بولادى. كۇندىز وبلىستىڭ وڭتۇستىك- شىعىسىندا سولتۇستىك- باتىستان، باتىستان سوققان جەلدىڭ ەكپىنى 15-20 م/س. وبلىستىڭ باتىسىندا، شىعىسىندا جوعارى ءورت قاۋپى ساقتالادى. قاراعاندى قالاسىندا نايزاعاي وينايدى. تۇندە جانە تاڭەرتەڭ تۇمان تۇسەدى.

جەتىسۋ وبلىسىنىڭ سولتۇستىگىندە، شىعىسىندا وڭتۇستىك- باتىستان جەل سوعادى، ەكپىنى - 15-20 م/س.

قىزىلوردا وبلىسىندا سولتۇستىكتەن، سولتۇستىك- شىعىستان جەل سوعادى، وبلىستىڭ سولتۇستىگىندە، ورتالىعىندا سوققان جەلدىڭ ەكپىنى 15-20 م/س جەتەدى. وبلىستىڭ باسىم بولىگىندە توتەنشە ءورت قاۋپى، وبلىستىڭ ورتالىعىندا، سولتۇستىك- شىعىسىندا جوعارى ءورت قاۋپى ساقتالادى. قىزىلوردادا جوعارى ءورت قاۋپى بار.

كۇندىز اباي وبلىسىنىڭ باتىسىندا، سولتۇستىگىندە، ورتالىعىندا اراكىدىك نوسەر جاڭبىر جاۋادى، نايزاعاي وينايدى. وبلىستىڭ سولتۇستىگىندە، وڭتۇستىگىندە، ورتالىعىندا وڭتۇستىك- شىعىستان سولتۇستىك- باتىسقا ويىسا سوققان جەلدىڭ ەكپىنى 15-20 م/س بولادى. وبلىستىڭ باتىسىندا، سولتۇستىك- باتىسىندا، وڭتۇستىگىندە، ورتالىعىندا توتەنشە ءورت قاۋپى ساقتالادى. سەمەيدە كۇندىز نايزاعاي وينايدى. سولتۇستىك- باتىستان جەل سوعادى، كۇندىزگى ەكپىنى 15-18 م/س بولادى.

كۇندىز شىعىس قازاقستان وبلىسىنىڭ باتىسىندا، سولتۇستىگىندە، شىعىسىندا نايزاعاي ويناپ، كۇن رايى بۇزىلادى. وبلىستىڭ سولتۇستىگىندە، شىعىسىندا، ورتالىعىندا وڭتۇستىك- شىعىستان سولتۇستىك- باتىسقا ويىسا سوققان جەلدىڭ ەكپىنى 15-20 م/س جەتەدى.

ماڭعىستاۋ وبلىسىنىڭ سولتۇستىك- باتىسىندا، وڭتۇستىگىندە سولتۇستىك- شىعىستان سوققان جەلدىڭ ەكپىنى 15-20 م/س دەيىن جەتەدى. وبلىستا توتەنشە ءورت قاۋپى ساقتالادى. اقتاۋدا توتەنشە ءورت قاۋپى بار.

تۇندە اقتوبە وبلىسىنىڭ قارعالى اۋدانىندا توپىراق بەتى قاتىپ، سىناپ باعانى ءبىر گرادۋس سۋىقتى كورسەتەدى، ۇسىك جۇرەدى. وبلىستىڭ وڭتۇستىگىندە سولتۇستىك- شىعىستان سوققان جەلدىڭ ەكپىنى 15-20 م/س دەيىن جەتەدى.

باتىس قازاقستان وبلىسىنىڭ باتىسىندا، وڭتۇستىگىندە، ورتالىعىندا سولتۇستىك- شىعىستان جەل سوعادى، كۇندىزگى ەكپىنى - 15-20 م/س. وبلىستىڭ باتىسىندا، سولتۇستىگىندە جوعارى ءورت قاۋپى بار. وبلىستىڭ باسىم بولىگىندە توتەنشە ءورت قاۋپى ساقتالادى. ورالدا جوعارى ءورت قاۋپى بار.

كۇندىز قوستاناي وبلىسىنىڭ باتىسىندا، وڭتۇستىك- شىعىسىندا نايزاعاي ويناپ، كۇن رايى بۇزىلادى. تۇندە جانە تاڭەرتەڭ وبلىستىڭ سولتۇستىگىندە، باتىسىندا تۇمان بولادى. كۇندىز وبلىستىڭ باتىسىندا، شىعىسىندا، وڭتۇستىگىندە سولتۇستىكتەن سوققان جەلدىڭ ەكپىنى 15-20 م/س بولادى. تۇندە وبلىستىڭ سولتۇستىك- باتىسىندا توپىراق بەتى قاتادى، سىناپ باعانى ءبىر 1 گرادۋس سۋىقتى كورسەتەدى، ۇسىك جۇرەدى. وبلىستىڭ وڭتۇستىگىندە جوعارى ءورت قاۋپى ساقتالادى.

پاۆلودار وبلىسىنىڭ وڭتۇستىگىندە، شىعىسىندا جاڭبىر جاۋادى. وبلىستىڭ سولتۇستىگىندە سولتۇستىك- باتىستان سوققان جەلدىڭ ەكپىنى 15-20 م/س دەيىن جەتەدى.

كۇندىز تۇركىستان وبلىسىنىڭ تاۋلى اۋداندارىندا نايزاعاي ويناپ، كۇن رايى بۇزىلادى. تاڭەرتەڭ جانە كۇندىز وبلىستىڭ سولتۇستىگىندە، باتىسىندا شاڭدى داۋىل تۇرادى. تاڭەرتەڭ جانە كۇندىز وبلىستىڭ سولتۇستىگىندە، باتىسىندا، تاۋلى اۋداندارىندا سولتۇستىك- شىعىستان سوققان جەلدىڭ ەكپىنى 15-20 م/س بولادى. وبلىستىڭ باسىم بولىگىندە توتەنشە ءورت قاۋپى (5 كلاس) ساقتالادى. شىمكەنتتە توتەنشە ءورت قاۋپى (5 كلاس) ساقتالادى. تۇركىستان قالاسىندا كۇندىز كەي ۋاقىتتاردا شاڭدى داۋىل تۇرادى. كۇندىز سولتۇستىك- شىعىستان سوققان جەلدىڭ ەكپىنى 15-20 م/س بولادى. توتەنشە ءورت قاۋپى (5 كلاس) ساقتالادى.

اقمولا وبلىسىنىڭ سولتۇستىگىندە، شىعىسىندا جاڭبىر جاۋادى. تاڭەرتەڭ جانە كۇندىز وبلىستىڭ باتىسىندا، سولتۇستىگىندە سولتۇستىكتەن، سولتۇستىك- باتىستان سوققان جەلدىڭ ەكپىنى 15-20 م/س بولادى. استانادا سولتۇستىكتەن جەل سوعادى، كۇندىزگى ەكپىنى - 15-20 م/س.

تۇندە سولتۇستىك قازاقستان وبلىسىندا جەلدىڭ ەكپىنى 15-20 م/س، كەي تۇستا 23 م/س دەيىن جەتەدى. پەتروپاۆلدا سولتۇستىكتەن جەل سوعادى، ەكپىنى - 15-20 م/س.

الماتى وبلىسىنىڭ سولتۇستىگىندە، باتىسىندا جوعارى ءورت قاۋپى ساقتالادى.