نايزاعاي، جاڭبىر، بۇرشاق: «قازگيدرومەت» كۇن رايى بولجامىن جاريالادى

استانا. KAZINFORM - «قازگيدرومەت» ر م ك- سى مامىردىڭ 2-كۇنگى كۇن رايى بولجامىن جاريالادى.

كاسىپورىننىڭ دەرەكتەرىنە قاراعاندا، قازاقستاننىڭ باسىم بولىگىندەگى اۋا رايىنا اتموسفەرالىق فرونتالدى بولىكتەر اسەر ەتەتىن بولادى، وسىعان بايلانىستى نايزاعاي ويناپ جاڭبىر، تۇندە وڭتۇستىك شىعىستىڭ تاۋلى اۋداندارىندا جاۋىن- شاشىن (جاڭبىر، قار)، ەلدىڭ باتىسىندا جانە وڭتۇستىك- شىعىسىندا بۇرشاق جاۋادى.

تەك ق ر وڭتۇستىك-باتىسىندا، سولتۇستىك- باتىسىندا كۇن جاۋىن- شاشىنسىز بولادى. رەسپۋبليكا بويىنشا جەل كۇشەيىپ، ەلدىڭ باتىسىندا، وڭتۇستىك-شىعىسىندا -جەل تۇرىپ، شاڭدى داۋىل كوتەرىلەدى، ەلىمىزدىڭ سولتۇستىگىندە، شىعىسىندا، تۇنگى جانە تاڭعى ساعاتتاردا تۇمان تۇسەدى.

قوستاناي وبلىسىنىڭ شىعىسىندا، شىعىس قازاقستان وبلىسىنىڭ سولتۇستىگىندە، شىعىسىندا، اباي وبلىسىنىڭ سولتۇستىگىندە، ورتالىعىندا 1-3 گرادۋسقا دەيىن ۇسىك جۇرەدى. اقتوبە وبلىسىنىڭ سولتۇستىگىندە، ۇلىتاۋ وبلىسىندا، اقمولا وبلىسىنىڭ باتىسىندا توپىراق بەتىندە 1-2 گرادۋسقا دەيىن ۇسىك جۇرەدى.

قىزىلوردا، جامبىل، تۇركىستان وبلىستارىندا، الماتى وبلىسىنىڭ باتىسىندا، ورتالىعىندا، اتىراۋ، قاراعاندى وبلىستارىنىڭ وڭتۇستىگىندە، اقتوبە وبلىسىنىڭ وڭتۇستىگىندە، وڭتۇستىك شىعىسىندا، ماڭعىستاۋ وبلىسىنىڭ سولتۇستىك شىعىسىندا، شىعىسىندا، ورتالىعىندا، ۇلىتاۋ وبلىسىنىڭ ورتالىعىندا، جەتىسۋ وبلىسىنىڭ وڭتۇستىگىندە، شىعىس قازاقستان وبلىسىنىڭ سولتۇستىك- باتىسىندا، وڭتۇستىگىندە، اباي وبلىسىنىڭ سولتۇستىك- باتىسىندا، وڭتۇستىگىندە، ورتالىعىندا جوعارى ءورت قاۋىپى كۇتىلەدى.

وسىعان دەيىن ش ق و- داعى بۇقتىرما وزەنىندە سۋ دەڭگەيى كوتەرىلىپ كەتكەنى تۋرالى جازدىق.