ناتو يادرولىق قارۋلارىن دايارلىق دەڭگەيىنە جەتكىزبەك

استانا. قازاقپارات - ناتو باس حاتشىسى يەنس ستولتەنبەرگ اليانستا زىمىرانداردىڭ ءبىر بولىگىن قويمالاردان الىپ، ولاردى دايىن كۇيگە كەلتىرۋ ماسەلەسى تالقىلانىپ جاتقانىن ايتتى، دەپ حابارلايدى Ulysmedia.kz.

- مەن قانشا يادرولىق وقتۇمسىقتى دايىن كۇيگە كەلتىرىپ، قانشاسىن دايار دەڭگەيدە ۇستاۋ كەرەكتىگى تۋرالى جەدەل مالىمەتتەرگە توقتالمايىن. ءبىز وسى ماسەلەلەر بويىنشا كەڭەسۋىمىز كەرەك. ءدال وسىلاي ىستەپ تە جاتىرمىز»، - دەدى دجەنس ستولتەنبەرگ The Telegraph باسىلىمىنا بەرگەن سۇحباتىندا.

ناتو باس حاتشىسىنىڭ ايتۋىنشا، اليانس يادرولىق ارسەنال ارقىلى قارسىلاستارىنا «تىكەلەي سيگنال» جىبەرۋى كەرەك. سونىمەن قاتار، ستولتەنبەرگ ناتو- نىڭ ماقساتى «يادرولىق قارۋسىز الەم» ەكەنىن، ءبىراق ول سونداي كەزدە دە ناتو «يادرولىق وداق بولىپ قالا بەرەتىنىن» اتاپ ءوتتى. ويتكەنى رەسەي، قىتاي جانە سولتۇستىك كورەيا يادرولىق قارۋعا يە بولىپ، ناتو- دا بولماسا، بۇل «قاۋىپتى الەم» بولماق.

7 -ماۋسىمدا ۆلاديمير پۋتين سانكت-پەتەربۋرگ ەكونوميكالىق فورۋمىندا سويلەپ، ۋكرايناداعى سوعىس جايلى ايتىپ، رەسەيدىڭ يادرولىق دوكتريناسىنا وزگەرىستەر ەنگىزۋ كەرەكتىگىن ءسوز ەتكەن. بىرنەشە كۇننەن كەيىن رەسەي س ءى م باسشىسىنىڭ ورىنباسارى سەرگەي ريابكوۆ رەسەي باتىستىڭ «قولايسىز جانە ەسكالاتسيالىق» ارەكەتتەرگە بايلانىستى يادرولىق تەجەۋ سالاسىنداعى نەگىزگى قۇجاتتاردى وزگەرتە الادى دەپ مالىمدەدى.