ناۋرىزدىڭ اياعىندا قازاقستاندىقتاردى قانداي اۋا رايى كۇتىپ تۇر

استانا. KAZINFORM - قازگيدرومەت الداعى كۇندەرگە ارنالعان اۋا رايى بولجامىن جاريالادى.

ورتالىعى قوستاناي وبلىسىنىڭ ۇستىندە ورنالاسقان اۋقىمدى سيكلون قازاقستاننىڭ بارلىق اۋماعىن قامتيدى، جاۋىن- شاشىن (جاڭبىر، قار) كۇتىلەدى. سولتۇستىك قازاقستاندا 29-ناۋرىزدا، اقمولادا 29-30-ناۋرىزدا، پاۆلودار مەن قاراعاندىدا 30 -ناۋرىزدا، شىعىس قازاقستان وبلىستارىندا 31-ناۋرىزدا جاڭبىر مەن قار تۇرىندەگى قاتتى جاۋىن-شاشىن جاۋادى.

الماتىدا 29-ناۋرىزدا، تۇركىستاندا 30-ناۋرىزدا، جەتىسۋ وبلىسىندا 29-31-ناۋرىزدا قاتتى جاڭبىر جاۋادى.

30-31-ناۋرىزدا ەلدىڭ باسىم بولىگىندە سولتۇستىك-باتىسىندا، سولتۇستىگىندە (اقتوبە، قوستاناي، اقمولا، سولتۇستىك قازاقستان وبلىستارىندا) اۋا تەمپەراتۋراسىنىڭ 3-10 گرادۋس ايازعا دەيىن تومەندەۋى بايقالادى، كۇندىز بىرتىندەپ 2-8 گرادۋسقا جىليدى.

ساۋىردە جاۋىن-شاشىن مولشەرى رەسپۋبليكا اۋماعىنىڭ باسىم بولىگىندە نورمادان جوعارى بولاتىنى بولجاندى. ورتالىقتا ( ۇلىتاۋ وبلىسى، قاراعاندى ​​وبلىسى)، سولتۇستىكتە (پاۆلودار، سولتۇستىك قازاقستان، اقمولا وبلىستارى)، وڭتۇستىك- شىعىستا (جامبىل، الماتى وبلىسى، جەتىسۋ)، شىعىستا (اباي وبلىسى، شىعىس قازاقستان وبلىسى)، وڭتۇستىكتك ( قىزىلوردا، تۇركىستان وبلىستارى) نورماعا جاقىن بولادى.

بۇعان دەيىن «قازگيدرومەت» ر م ك 29-ناۋرىزدا قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىستارى تۋرالى بولجامىن جاريالاعان بولاتىن.