«ناۋرىز» يپوتەكالىق باعدارلاماسىنىڭ باستاپقى جارنا مولشەرى تومەندەي مە - رومان سكليار جاۋابى

استانا. KAZINFORM - پرەمەر- ءمينيستردىڭ ءبىرىنشى ورىنباسارى رومان سكليار ءماجىلىس دەپۋتاتتارىنىڭ «ناۋرىز» يپوتەكالىق باعدارلاماسىنىڭ باستاپقى جارنا مولشەرىن تومەندەتۋگە قاتىستى ساۋالىنا جاۋاپ بەردى.

«9-20-25» باعدارلاماسى بويىنشا تۇرعىن ءۇي ءۇشىن باستاپقى جارنانىڭ مولشەرىن تومەندەتۋگە قاتىستى كەلەسىنى اتاپ وتكەن ءجون. نەسيە بويىنشا باستاپقى جارنا كەپىلدى قارىزدار مەن كرەديتتىك تاۋەكەلدەر ءۇشىن قارجىلىق تاۋەكەلدەردى مىندەتتى ساقتاندىرۋ سانالادى. بانكتەردىڭ ماقساتى نەسيە الۋشىنىڭ تولەم قابىلەتتىلىگىن ساپالى جانە تەڭگەرىمدى باعالاۋ بولىپ تابىلادى. بۇل وعان بولاشاقتا يپوتەكالىق نەسيە تولەۋ ارقىلى جايلى ءومىر سۇرۋگە مۇمكىندىك بەرەدى. بۇل رەتتە، باستاپقى جارنا مولشەرىنىڭ تومەندەۋى نەسيە الۋشىعا اي سايىنعى قارجىلىق جۇكتەمەنى ۇلعايتادى. سوندىقتان ول ءتيىمسىز بولىپ سانالادى»، - دەدى رومان سكليار.

الايدا، ءبىرىنشى ۆيتسە-پرەمەر تابىسى تومەن ازاماتتارعا باستاپقى جارنانى تولەۋ بولىگىندە قارجىلىق قولداۋ كورسەتۋ ءۇشىن جەرگىلىكتى اتقارۋشى ورگاندار الەۋمەتتىك كومەك تۇرىندەگى تۇرعىن ءۇي سەرتيفيكاتتارىن بولەتىندىگىن اتاپ وتەدى. ماسەلەن، 2019 -جىلدان بۇگىنگى كۇنگە دەيىن جەرگىلىكتى اتقارۋشى ورگاندار 1,6 ميلليارد تەڭگەدەن استام سوماعا سەرتيفيكاتتار بولگەن.

«كرەديتتەر بويىنشا پايىزدىق مولشەرلەمەگە قاتىستى «وتباسى بانك» ا ق باعىتى بويىنشا 2، 5، 7 جانە 9 پايىز بولاتىن ءتۇرلى شارتتارمەن يپوتەكالىق باعدارلامالاردىڭ بار ەكەنىن اتاپ وتەمىز. سونداي- اق «ناۋرىز» يپوتەكالىق باعدارلاماسى بويىنشا (9-20-25) حالىقتىڭ الەۋمەتتىك وسال توپتارى ءۇشىن جىلدىق 7 پايىز تومەندەتىلگەن مولشەرلەمە قاراستىرىلعان»، - دەدى ول.