نارەستەسىن پويىزدان لاقتىرىپ جىبەرگەن ايەلگە قانداي جازا تاعايىندالدى
قاراعاندى. KAZINFORM - قاراعاندى كولىك پروكۋراتۋراسى «قاراعاندى-سۇرىپتاۋ-سارىبەل» ارالىعىندا جولاۋشىلار پويىزىندا بولعان قايعىلى وقيعا بويىنشا سوت تەرگەۋىن اياقتادى.
20-ساۋىردە پويىز جولاۋشىلارىنىڭ ءبىرى تولعاعى كەلىپ، ۆاگوننىڭ سانيتارلىق بولمەسىندە بوسانىپ قالعان. بوسانۋ مەديتسينالىق مەكەمەدەن تىس جانە ءتيىستى كومەك كورسەتىلمەي جۇزەگە اسقان.
- تەرگەۋ بارىسىندا انىقتالعانداي، پسيحيكالىق اۋرۋمەن ەسەپتە تۇرعان ايەل اۋرۋىنىڭ اسقىنۋ كەزەڭىندە جاڭا تۋعان نارەستەنى سانيتارلىق شۇڭقىرعا تاستاپ جىبەرگەن. ءسابي تەمىر جول رەلستەرىنە قۇلاپ، جاراقات العان.
قاراعاندى وبلىسىنىڭ وساكاروۆ اۋداندىق سوتى ايەلدى قىلمىستىق ءىس-ارەكەت جاساعان ساتىندە ەسى دۇرىس ەمەس بولعان دەپ تانىپ، ونى ارنايى مەديتسينالىق مەكەمەدە ماجبۇرلەپ ەمدەۋ تۋرالى قاۋلى شىعاردى، - دەلىنگەن باس پروكۋراتۋرا حابارلاماسىندا.
سوت اكتىسى زاڭدى كۇشىنە ەنگەن جوق.
ايتا كەتەلىك قىز زورلاپ، 13 جىل جاسىرىنىپ جۇرگەن كۇدىكتى قىرعىزستاننان ەكستراديتسيالانعان ەدى.