استانا. قازاقپارات - ازىق-تۇلىك قاۋىپسىزدىگى جونىندەگى يسپان ماماندارى مۇزداتىلعان ەتتىڭ ساقتالۋ مەرزىمىنە قاتىستى ناقتى شەكتەۋلەردى جاريالادى. يسپانيانىڭ AESAN اگەنتتىگى Vanitatis باسىلىمىنا بەرگەن تۇسىنىكتەمەسىندە، ساقتالۋ ۋاقىتى ەتتىڭ تۇرىنە جانە مۇزداتۋ رەجيمىنە تىكەلەي بايلانىستى ەكەنىن اتاپ ءوتتى.
مامانداردىڭ ايتۋىنشا، ءونىمدى ساتىپ العان بويدا بىردەن مۇزداتقان دۇرىس. تەمپەراتۋرا 18- گرادۋس نەمەسە ودان تومەن بولۋى كەرەك. وسىنداي جاعدايدا سيىر، قوي جانە ەشكى ەتى ءبىر جىلعا دەيىن ءوز قاسيەتىن جوعالتپايدى.
ال قۇس ەتىنە كەلسەك، ەگەر ول بولشەكتەلگەن بولسا، توعىز ايعا دەيىن، ال تۇتاس مۇزداتىلعان تاۋىق ون ەكى ايعا دەيىن ساقتالا الادى.
AESAN ساراپشىلارى تۇتىنۋشىلارعا ەتتى مۇزداتپاس بۇرىن قاپتامانى دۇرىس جابۋدى جانە ۇيدە قايتا مۇزداتۋدان اۋلاق بولۋدى ەسكەرتەدى، سەبەبى بۇل ءونىم ساپاسىنا اسەر ەتۋى مۇمكىن.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан