جەڭىلىپ كورمەگەن قازاقستاندىق بوكسشى مەيىرىم نۇرسۇلتانوۆ (19-0, 11 ك و) دۇنيەجۇزىلىك بوكس ۇيىمىنىڭ (WBO) نۇسقاسى بويىنشا 2023 -جىلدىڭ ورتا سالماقتاعى ۇزدىك بوكسشىسى اتاندى. Kazinform بۇل تۋرالى Sports.kz سايتىنا سىلتەمە جاساپ حابارلايدى.
بۇل تۋرالى دومينيكان رەسپۋبليكاسىندا وتكەن WBO كونۆەنتسياسىندا ايتىلدى.
ەستەرىڭىزگە سالا كەتەيىك، بۇعان دەيىن مەيىرىمنىڭ كەلەسى جەكپە- جەگى قازان ايىنا جوسپارلانعانى حابارلانعان بولاتىن.
ال بۇعان دەيىنگى جەكپە- جەگى ءساۋىر ايىندا ينچحوندا (وڭتۇستىك كورەيا) ءوتتى. ول جاپوندىق كادزۋتو تاكەساكومەن (16-1-1، 15 ك و) جەكپە- جەكتە مەرزىمىنەن بۇرىن جەڭىسكە جەتىپ، WBO International تيتۋلىن قورعاعان بولاتىن.
ايتا كەتەيىك، BoxRec.com سايتىنىڭ نۇسقاسى بويىنشا م. نۇرسۇلتانوۆ قازاقستاندىق بوكسشىلار رەيتينگىندە سالماق دارەجەسىنە قاراماستان كوش باستاپ تۇر.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.