مىسىردا پوليتسيا قىزمەتكەرى ەكى يزرايلدىك تۋريستى اتىپ ءولتىردى

 مىسىر پوليتسياسىنىڭ قىزمەتكەرى جەرورتا تەڭىزىندەگى الەكساندريا قالاسىندا يزرايلدىك تۋريستەرگە وق جاۋدىرىپ، كەم دەگەندە ەكى يزرايلدىك پەن ءبىر مىسىرلىق ازاماتتى ءولتىردى. 

قازاقپارات بۇل تۋرالى Euronews-كە سىلتەمە جاساپ حابارلايدى.

جەرگىلىكتى ب ا ق قاۋىپسىزدىك قىزمەتكەرلەرىنە سىلتەمە جاساپ حابارلاۋىنشا، پومپەي باعاناسى ماڭىندا جاسالعان شابۋىلدا تاعى ءبىر ادام جاراقات العان.

حابارلامادا شابۋىل جاسادى دەگەن كۇدىكتىنىڭ ۇستالعانى ايتىلدى.

قاۋىپسىزدىك قىزمەتكەرلەرى شابۋىل بولعان جەردى دەرەۋ قورشاۋعا الدى.

الەۋمەتتىك جەلىدە تاراعان اۋەسقوي بەينەتۇسىرىلىمدە كەم دەگەندە ءۇش جەدەل جاردەم كولىگىنىڭ زارداپ شەككەندەردى اۋرۋحانالارعا اپارا جاتقانى كورىنەدى.