استانا. KAZINFORM - عىلىمي ماقالا اۆتورلارى قاتارىندا مىسىق تا بار ەكەنىن بىلەسىز بە؟ فيزيكا سالاسىنداعى ءۇش عىلىمي ماقالانىڭ تەڭ اۆتورى رەتىندە كورسەتىلگەن. ءتىپتى ولاردىڭ بىرىنە كەيىن 100 دەن استام رەت سىلتەمە جاسالعان.
بۇل وقيعانىڭ باستى كەيىپكەرى - امەريكالىق فيزيك جەك حەزەرينگتون. ول عىلىمي ماقالاسىن جازۋ بارىسىندا ماتىندە ۇنەمى «ءبىز» دەگەن كوپشە ءتۇردى قولدانعان. الايدا عىلىمي جۋرنال رەداكسياسى ماقالانى ءبىر اۆتور اتىنان جاريالاۋ ءۇشىن «مەن» دەپ تۇزەتۋدى تالاپ ەتەدى.
سول كەزەڭدە ءماتىندى قايتادان ماشينكامەن تولىق تەرىپ شىعۋ قيىن بولعاندىقتان، عالىم كۇتپەگەن شەشىم قابىلداپ، وزىنە «سەرىكتەس» قوسادى. وسىلايشا اۆتورلار قاتارىنا ونىڭ ءۇي مىسىعى چەستەر ەنگىزىلەدى.
مىسىق عىلىمي ورتادا F. D. C. Willard دەگەن اتپەن تانىلدى. كەيىن بۇل ماقالا كەڭىنەن تارالىپ، عىلىمي ەڭبەكتەردە ءجيى قولدانىلىپ، سىلتەمەلەر جاسالعان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан