تاشكەنت. KAZINFORM - وزبەكستان استاناسىنداعى «كوكساراي» رەزيدەنسياسىندا ب ۇ ۇ باس حاتشىسى انتونيۋ گۋتەرريشتى الەمدە كەلىسىم مەن ىنتىماقتى بەلسەندى ىلگەرىلەتۋدەگى ەڭبەگى، ۇيىم قىزمەتىنىڭ تيىمدىلىگىن ارتتىرۋ، سونداي-اق، وزبەكستان مەن ب ۇ ۇ اراسىنداعى ىنتىماقتاستىقتى نىعايتۋ جولىنداعى قىزمەتى ءۇشىن وزبەكستاننىڭ ەڭ جوعارى مەملەكەتتىك ناگراداسىنىڭ ءبىرى - «ولي داراجالي دۋستليك» وردەنىمەن ماراپاتتاۋ ءراسىمى ءوتتى.
بۇل تۋرالى وزبەكستان پرەزيدەنتىنىڭ باسپا ءسوز قىزمەتى حابارلادى.
ماراپاتتى تاپسىرۋ كەزىندە وزبەكستان مەن ب ۇ ۇ اراسىنداعى ىنتىماقتاستىقتىڭ قازىرگى جوعارى دەڭگەيىنە انتونيۋ گۋتەرريشتىڭ قوسقان ۇلەسى ايرىقشا اتالدى.
فوتو: وزبەكستان پرەزيدەنتىنىڭ باسپا ءسوز قىزمەتى باس حاتشىنىڭ جاھاندىق جانە وڭىرلىك ماڭىزى بار كەڭ اۋقىمدى رەفورمالار مەن باستامالاردى، سونداي-اق رەسپۋبليكاداعى ب ۇ ۇ ينستيتۋتتارىنىڭ قىزمەتىن كەڭەيتۋدى تولىق قولدايتىنى ءسوز بولدى.
فوتو: وزبەكستان پرەزيدەنتىنىڭ باسپا ءسوز قىزمەتى ب ۇ ۇ كوشباسشىسىنىڭ حالىقارالىق قاۋىپسىزدىك پەن تۇراقتىلىقتى نىعايتۋ، جاھاندىق باسقارۋ ينستيتۋتتارىن رەفورمالاۋ، تۇراقتى دامۋ ماقساتتارىنا قول جەتكىزۋ، كليماتتىڭ وزگەرۋىمەن كۇرەسۋ، «جاسىل» جانە سيفرلىق دامۋ، ازىق-تۇلىك جانە ەنەرگەتيكالىق قاۋىپسىزدىكتى قامتاماسىز ەتۋدەگى ۇزاقمەرزىمدى كۇش-جىگەرى اتاپ ءوتىلدى.
فوتو: وزبەكستان پرەزيدەنتىنىڭ باسپا ءسوز قىزمەتى اۆتور جاراسقان نۇرىبايەۆ
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан